ఇందులో కీలకమైన పాత్ర చేసే అవకాశం కాజల్ సొంతం చేసుకున్నారట. మురుగదాస్ దర్శకత్వం వహించిన దళపతి విజయ్ 'తుపాకీ'లో కాజల్ అగర్వాల్ నటించారు. అందులో ఆవిడ మెయిన్ హీరోయిన్. అయితే... ఈసారి మురుగదాస్ సినిమాలో కీ రోల్ చేసే అవకాశం వచ్చిందని బాలీవుడ్ జనాలు చెబుతున్నారు. అది నిజమైతే... సల్మాన్ ఖాన్, కాజల్ కాంబినేషన్ కుదరడం కూడా ఇదే తొలిసారి అవుతుంది.కాజల్ కీ రోల్ చేస్తే... మరి మెయిన్ హీరోయిన్ ఎవరని అనుకుంటున్నారా? సల్మాన్ ఖాన్, ఏఆర్ మురుగదాస్ సినిమా 'సికిందర్'లో అసలు హీరోయిన్ నేషనల్ క్రష్ రష్మిక మందన్నా. ఆవిడకూ సల్మాన్ ఖాన్ తో ఇదే తొలి సినిమా. తమ సినిమాలో రష్మిక నటిస్తున్న విషయాన్ని 'సికందర్' టీమ్ అధికారికంగా అనౌన్స్ చేసింది. కానీ, కాజల్ విషయం ఇంకా కన్ఫర్మ్ చేయలేదు.సికిందర్' సినిమాను నడియాడ్ వాలా గ్రాండ్ సన్ ఎంటర్టైన్మెంట్ ప్రొడ్యూస్ చేస్తోంది. ఈ సినిమాను వచ్చే ఏడాది రంజాన్ కానుకగా విడుదల చేయనున్నట్లు వెల్లడించారు. అసలు, ఈ సినిమా ప్రకటన రంజాన్ రోజు వచ్చింది.రంజాన్ పండక్కి వచ్చిన మెజారిటీ సినిమాలు విజయాలు సాధించాయి. వచ్చే ఏడాది 'సికిందర్' ఎంతటి విజయం సాధిస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి