తాజాగా దేవర ట్రైలర్‌ని విడుదల చేశారు. ట్రైలర్ ఆకట్టుకుంది. కానీ సినిమా కథేంటో ట్రైలర్‌లో చెప్పేశాడు దర్శకుడు. ఇదే అసలు క అయితే అది రొటీన్‌గానే ఉందనే ఫీలింగ్‌ కలుగుతుంది. ఈ విషయంలో ఫ్యాన్స్ ఆందోళన చెందుతున్నారు. కథ ఇదే అయితే సినిమా కష్టమే అనే అభిప్రాయాలు వ్యక్తమవుతున్నాయి. ఈ నేపథ్యంలో ఇప్పుడు ఎన్టీఆర్ కామెంట్స్ మరింత ఆందోళనకి గురి చేస్తున్నాయి.మంగళవారం ముంబయిలో ట్రైలర్ ఈవెంట్ జరిగింది. ఇందులో తారక్ మాట్లాడుతూ, ఆరేళ్ల తర్వాత సోలో హీరోగా వస్తున్నా అని, చాలా నర్వస్‌గా ఉందని చెప్పారు. ఆర్‌ఆర్‌ఆర్‌ మూవీతో చివరగా వచ్చాను. అందులో రామ్ చరణ్ మరో హీరో. ఇప్పుడు సోలో హీరోగా దేవర సినిమా చేస్తున్నా. ఆరేళ్ల తర్వాత సోలోగా నా మూవీ వస్తుందంటే కాస్త నర్వస్‌గా ఉందని చెప్పారు ఎన్టీఆర్.ముంబైలో ఈవెంట్ జరగడం సంతోషంగా ఉందన్నారు. త్రిబుల్ ఆర్ కు ప్రమోషన్ సమయంలో నార్త్ నుంచి అద్భుతమైన స్పందన వచ్చిందని తెలిపారు. దేవర విషయంలోనూ ఇదే జరుగుతుందని ఆశిస్తున్నట్లు పేర్కొన్నారు.దేవర చిత్రంలో జాన్వీ కపూర్ హీరోయిన్. సైఫ్ అలీ ఖాన్ నెగటివ్‌ రోల్ చేస్తున్నారు. శ్రీకాంత్‌ కీలక పాత్ర పోషిస్తున్నారు. ఎన్టీఆర్ ఆర్ట్స్, యువ సుధా ఆర్ట్స్ పతాకాలపై కళ్యాణ్ రామ్, సుధాకర్‌ మిక్కిలినేని నిర్మిస్తున్నారు. ఈ నెల 27న పాన్‌ ఇండియారేంజ్‌లో తెలుగుతోపాటు తమిళం, కన్నడ, మలయాళం, హిందీ భాషల్లో ఈ మూవీ విడుదల కాబోతుంది. ఈ సినిమా ఏ రేంజ్ విజయాన్ని సాధిస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి