రీ రిలీజ్‌ల టైమ్ అయిపోయింది.. ఇక ఎలాంటి సినిమాను విడుదల చేసినా చూడరులే అనుకున్నారంతా. కానీ తాజాగా వెంకీ సినిమాకు వస్తున్న రెస్పాన్స్ చూస్తుంటై మైండ్ బ్లాక్ అయిపోతుంది.రవితేజ హీరోగా నటించిన వెంకీ సినిమా 2004లో విడుదలై సూపర్ హిట్ అయింది. శ్రీను వైట్ల దర్శకత్వం వహించిన ఈ మూవీలో కామెడీ అద్భుతంగా పండింది. టాలీవుడ్‍లో కామెడీ క్లాసిక్‍గా వెంకీ నిలిచిపోయింది. ఇన్ని సంవత్సరాలు గడిచినా వెంకీ సినిమాను తెలుగు ప్రేక్షకులు మర్చిపోలేదు. ఇప్పటికీ వెంకీ మూవీ కామెడీ సీన్లను టీవీల్లో, ఆన్‍లైన్‍లో చూస్తూనే ఉంటారు. వెంకీ సినిమాలోని ట్రైన్ కామెడీ ఎపిసోడ్ చాలా మందికి ఫేవరెట్‍గా ఉంటుంది. రిలాక్స్ అయ్యేందుకు ఇప్పటికీ వెంకీ సినిమా చూస్తున్నామని కొందరు చెబుతుంటారు. అయితే, వెంకీ మూవీ ఎట్టకేలకు థియేటర్లలో రీ రిలీజ్ అయ్యేందుకు రెడీ అయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి