కొంతమంది ఈ ట్రైలర్ చూసి పెదవి విరుస్తున్నారు. అయితే దేవర ట్రైలర్ పై వస్తున్న నెగటివ్ రివ్యూస్ కి అభిమానులు ఎలా స్పందిస్తారో వేరే ఇక్కడ స్పందించాల్సిన అవసరం లేదు. ఈ క్రమంలోనే దేవర ట్రైలర్ పై నెగిటివ్ రివ్యూ ఇచ్చిన యూట్యూబర్ పై హీరో విశ్వక్ సేన్ తీవ్రస్థాయిలో మండిపడ్డారు. విశ్వక్ కు తారక్ అంటే ఎంత అభిమానమో వేరే చెప్పాల్సిన పనిలేదు. తాజాగా విడుదలైన దేవర ట్రైలర్ పై ఓ యూట్యూబర్ ముఖ్యంగా ఎన్టీఆర్ లుక్స్ మీద ఇద్దరు ట్రోలింగ్ చేశారు. ఈ మేరకు ఆ ఇద్దరూ మాట్లాడుకుంటూ.. ట్రైలర్ చూడబుద్ది కాలేదని ఒకరు అంటే.. ట్రైలర్ ఏమంతా ఇంపాక్ట్ క్రియేట్ చేయలేదు, నచ్చలేదని ఇంకొకరు అంటూ మాట్లాడుకుంటూ వచ్చారు.
ఈ క్రమంలోనే ఎన్టీఆర్ లుక్స్ మీద సైతం కామెంట్లు చేశారు. దాంతో విశ్వక్ సేన్ కు కోపం వచ్చింది.. వాస్తవానికి వాళ్ల మాటలు వింటే ఎన్టీఆర్ ఫ్యాన్స్ ఎవరికైనా మండుతుంది. దాంతో ఆ ఇద్దరినీ విశ్వక్ ఏకిపారేశారు. అయితే దీని వెనుక కూడా బలమైన కారణం లేకపోలేదు... విమర్శలు చేసే వారిలో ఒకడి పేరు కూడా విశ్వక్ సేన్ కావడం కొసమెరుపు. దాంతో మండిన హీరో విశ్వక్ సేన్ "నువ్వు నాపేరు చెడగొట్టడానికే పుట్టినట్టు ఉన్నావు... ముందు నువ్వు ఆ గోడ సాయం లేకుండా 2 నిముషాలు కూర్చో. నాకు కాలిపోతుంది నిన్ను చూస్తుంటే.. ఏమైనా చేద్దామంటే.. మీ మొహం కాలిపోయినట్టే ఉంది ఏం చేస్తాం? ఇక మీరే అందం గురించి మాట్లాడుకోవాలి? అంటూ ఫైర్ అయ్యాడు మన హీరో. మరి మన హీరో వ్యాఖ్యలు మీకు ఏమనిపిస్తున్నాయి?
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి