చనిపోయే ముందు తన అభిమాన హీరో జూనియర్ ఎన్టీఆర్ నటించిన సినిమా చూడాలన్నది కౌశిక్ కోరిక. అప్పటివరకు తన కొడుకును బతికించాలంటూ ఆ తల్లిదండ్రులు కన్నీరుమున్నీరు అయ్యారు. ఈ విషయం ఎన్టీఆర్ దృష్టికి చేరింది. వెంటనే కౌశిక్కు వీడియో కాల్ చేసి మాట్లాడాడు. ఏమాత్రం భయపడొద్దని.. నవ్వుతుంటే బాగున్నావంటూ అతడిలో ధైర్యం నింపే ప్రయత్నం చేశారు.'నవ్వుతుంటే బాగున్నావ్' అని ఎన్టీఆర్ అనడంతో.. మిమ్మల్ని ఇలా చూస్తానని అనుకోలేదని సదరు అభిమాని ఎమోషనల్ అయ్యాడు. 'భలేవాడివి, నేను మాట్లడకపోతే ఎలా.. నువ్వు క్యాన్సర్ దాటి రావాలి, 'దేవర' చూడాలి. లు తర్వాత విషయం. ముందు నీ ఆరోగ్యం బాగుండాలి. త్వరగా కోలుకోవాలి' అని తారక్ ఆకాంక్షించాడు. దీంతో ఒక్కసారైనా కలవాలని ఉందని అభిమాని కోరగా.. త్వరలోనే కచ్చితంగా కలుస్తానని ఎన్టీఆర్ హామీ ఇచ్చారు. ప్రస్తుతం ఈ వీడియో సోషల్ మీడియా లో చక్కర్లు కొడుతుంది. ఇక ఎన్టీఆర్ , దర్శకుడు కొరటాల శివ కాంబినేషన్ లో పాన్ ఇండియా మూవీగా తెరెక్కుతున్న 'దేవర' ఈ నెల 27న ప్రపంచ వ్యాప్తంగా రిలీజ్ కాబోతుంది. ఇప్పటికే ఈ చిత్రానికి సంబంధించిన ప్రమోషన్ వర్క్స్ స్పీడ్ అందుకున్నాయి. గతంలో వీరిద్దరి కాంబినేషన్ లో వచ్చిన 'జనతా గ్యారేజ్' బ్లాక్ బస్టర్ గా నిలిచింది. మొన్న రిలీజ్ అయిన ట్రైలర్ చూస్తుంటే థియేటర్లో పూనకాలే అంటూ ఫ్యాన్స్ తెగ సంబరపడిపోతున్నారు. సినిమా ను ఎప్పుడెప్పుడు చూద్దామా అని ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి