‘ఆర్ ఆర్ ఆర్’ మూవీ ప్రపంచవ్యాప్తంగా 13వందల కోట్లు వసూలు చేసినప్పటికీ ఆ క్రెడిట్ ను తారక్ చరణ్ రాజమౌళి లతో షేర్ చేసుకోవలసిన పరిస్థితి ఏర్పడింది. దీనికితోడు ‘ఆర్ ఆర్ ఆర్’ మూవీలో జూనియర్ నటించిన కొమరం భీమ్ పాత్ర రామ్ చరణ్ నటించిన రామరాజు పాత్ర ముందు తేలిపోయింది అంటూ సోషల్ మీడియాలో అనేక చర్చలు జరిగిన విషయం తెలిసిందే. దీనితో ‘దేవర’ మూవీ రికార్డులు జూనియర్ స్థాయికి పరీక్షగా మారాయి.
ఇప్పటికే ప్రభాస్ రెండు సార్లు 1000 కోట్ల కలక్షన్స్ మార్క్ ను అందుకోవడంతో కనీసం తారక్ ‘దేవర’ 750 కోట్ల టార్గెట్ ను అయినా అందుకోగలదా అన్న చర్చలు జరుగుతున్నాయి. ఇది ఇలా ఉండగా ‘దేవర’ రిలీజ్ డేట్ దగ్గర పడుతున్న సమయంలో ఈమూవీకి విడుదల కాకుండానే నెగిటివ్ ప్రచారం చేసే ఒక వర్గం సోషల్ మీడియాలో ఇప్పటికే రెడీగా ఉండటంతో జరుగుతున్న ఈపరిణామాలు ఈమూవీ బయ్యర్లతో పాటు తారక్ ను కూడ కలవర పెడుతున్నట్లు టాక్.
ఇప్పటికే నందమూరి అభిమానులు రెండు వర్గాలుగా విడిపోయిన నేపధ్యంలో ‘దేవర’ మూవీకి ఏమాత్రం డివైడ్ టాక్ వచ్చినా ఆటాక్ ఫలితం ఈమూవీ కలక్షన్స్ పై భారీ ప్రభావాన్ని చూపించే ఆస్కారం ఉంది అని అంటున్నారు. ఈ పరిస్థితులు గమనించిన జూనియర్ కరణ్ జోహార్, అలియా భట్, విశ్వక్ సేన్, సిద్దు జొన్నలగడ్డ, సందీప్ రెడ్డి వంగా తదితరులతో స్పెషల్ ఇంటర్వ్యూలు ఇస్తూ ‘దేవర’ ను 1000 కోట్ల మూవీగా మార్చడానికి తనవంతు ప్రయత్నాలు చేస్తున్నాడు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి