ఇటీవల కాలంలో ఇండియన్ సినిమా ఇండస్ట్రీలో ఎంతోమంది స్టార్స్ పై ఎంతోమంది నటీమణులు  లైంగిక ఆరోపణలు చేస్తూ ఉండడం ఎంత సంచలనంగా మారిపోతుందో ప్రత్యేకంగా చెప్పాల్సిన పనిలేదు. మొన్నటికి మొన్న కోలీవుడ్ ఇండస్ట్రీలో హేమా కమిటీ నివేదిక తెరమీదికి వచ్చి ప్రకంపనలు సృష్టించింది  తర్వాత ఎంతోమంది నటీమణులు కూడా తమను లైంగికంగా వేధించిన వారి గురించి సోషల్ మీడియా వేదికగా నిజాలు బయటపెట్టడం..  ఇక ఎంతోమంది ఇలాంటి ఆరోపణల కారణంగా కీలక పదవులకు రాజీనామాలు చేయడం కొన్ని రోజుల నుంచి కొనసాగుతూ వస్తుంది.


 అయితే ఇక ఇప్పుడు టాలీవుడ్ లో కూడా ఇలా లైంగిక ఆరోపణలు ప్రకంపనలు మొదలయ్యాయి అన్నది తెలుస్తుంది  ఎందుకంటే టాలీవుడ్ ఇండస్ట్రీలో స్టార్ కొరియోగ్రాఫర్ గా కొనసాగుతున్న జానీ మాస్టర్ పై ఇటీవల అత్యాచార కేసు నమోదు అయింది. ఒక అమ్మాయి జానీ మాస్టర్ తనపై అత్యాచారం చేయడంతో పాటు దారుణంగా మానసికంగా వేధించాడని ఇక జానీ మాస్టర్ మాత్రమే కాదు ఆయన భార్య కూడా ఇలా తీవ్ర వేధింపులకు గురిచేసింది అంటూ ఫిర్యాదు చేస్తూ పోలీస్ స్టేషన్లో కేసు పెట్టింది. ఇది కాస్త ఇక ఇప్పుడు సంచలనంగా మారిపోయింది అని చెప్పాలి. తెలుగు ఇండస్ట్రీ మొత్తం ఈ విషయం గురించి చర్చించుకుంటున్నారు


 అయితే ఇలా మహిళలను వేధించారు అంటూ లైంగిక ఆరోపణలు ఎదుర్కొంటున్న సినీ ప్రముఖులకు తీవ్రంగా విమర్శించే సింగర్ చిన్మయి ఇటీవల జానీ మాస్టర్ పై లైంగిక ఆరోపణలు వచ్చిన ఈ విషయంపై స్పందించింది. పలు మీడియా కథనాలను ట్యాగ్ చేస్తూ రిపోర్టుల ప్రకారం జానీ మాస్టర్ ఆ అమ్మాయి మైనర్ గా ఉన్నప్పటి నుంచి వేధించడం మొదలుపెట్టారు. ఈ కేసులో పోరాడేందుకు ఆ అమ్మాయికి తగినంత శక్తి రావాలని కోరుకుంటున్నా అంటూ చిన్మయి సోషల్ మీడియాలో పోస్ట్ పెట్టారు. కాగా గతంలో కూడా సింగర్ చిన్మయి  రచయిత వైరముత్తు సింగర్ కార్తీక్ పై లైంగిక ఆరోపణలు చేశారు అన్న విషయం తెలిసిందే.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

17/09/2024 12:00 PM