అయితే లేడీ డాన్సర్ ఫిర్యాదుతో కేసు నమోదు చేసుకున్న పోలీసులు ఇప్పటికే దర్యాప్తును కూడా మొదలుపెట్టారు. కాగా ఇలా అత్యాచారం కేసులో ఇరుక్కున్న కొరియోగ్రాఫర్ జానీ మాస్టర్ కు వరుసగా షాక్ లు తగులుతూనే ఉన్నాయి. ఇప్పటికే జనసేన పార్టీ తమ పార్టీ కార్యకలాపాలకు దూరంగా ఉండాలి అంటూ జానీ మాస్టర్ కు ఆదేశాలు జారీ చేసింది. మరోవైపు టాలీవుడ్ ఫిలిం ఛాంబర్ కూడా అత్యాచార ఆరోపణలపై విచారణ చేపట్టాలి అంటూ ఆదేశించింది. ఇక ఇప్పుడు జానీ మాస్టర్ కు మరో బిగ్ షాక్ తగలబోతుంది అన్నది తెలుస్తోంది.
ప్రస్తుతం టాప్ కొరియోగ్రాఫర్ గా కొనసాగుతున్న జాని మాస్టర్ కొరియోగ్రాఫర్ అసోసియేషన్ అధ్యక్షుడిగా కొనసాగుతున్నారు. అయితే ఆ పదవి నుంచి జానీ ని తొలగించడంతోపాటు అసోసియేషన్ నుంచి సస్పెండ్ చేసే అవకాశాలు ఉన్నట్లు సమాచారం. అయితే జానీ మాస్టర్ తనను అత్యాచారం చేశాడంటూ యువతే పోలీస్ స్టేషన్లో కేసు పెట్టగా.. ఇందుకు సంబంధించి ఎన్నో సంచలన విషయాలు కూడా వెలుగులోకి వస్తూ ఉన్నాయి. కేవలం జానీ మాస్టర్ మాత్రమే కాదు ఆయన భార్య కూడా తనను లైంగికంగా మానసికంగా వేధించారని జానీ మాస్టర్ అత్యాచారం చేయడానికి ప్రోత్సాహించారు అంటూ సదరు లేడి డాన్సర్ ఆరోపణలు చేసింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి