అయితే అటు ప్రభాస్ బాహుబలి సినిమా తర్వాత వరుస సినిమాలతో ప్రేక్షకుల ముందుకు వచ్చినప్పటికీ ఆ సినిమాలు పెద్దగా బాక్స్ ఆఫీస్ వద్ద ప్రభావం చూపించలేకపోయాయ్. అయినప్పటికీ వసూళ్ల విషయంలో మాత్రం తగ్గేదేలే అంటూ అదరగొట్టేసాయి అని చెప్పాలి. కానీ ఇలా వరుస ప్లాపుల తర్వాత మొన్నటికి మొన్న ఒక సాలిడ్ హిట్టు కొట్టాడు ప్రభాస్. ప్రశాంత్ నీల్ దర్శకత్వంలో తెరకెక్కిన సలార్ మూవీ బ్లాక్ బస్టర్ హిట్ కావడంతో మళ్లీ ప్రభాస్ ట్రాక్ లోకి వచ్చేసాడు. ఇక ఆ తర్వాత నాగ్ అశ్విన్ దర్శకత్వంలో తెరకేక్కిన కల్కి సినిమా ఇండియన్ బాక్సాఫీస్ ని షేక్ చేసింది.
1200 కోట్లకు పైగా వసూళ్లు సాధించి నిర్మాతలకు లాభాల పంట పండించింది అని చెప్పాలి.దీంతో ప్రభాస్ మార్కెట్ మరింత పెరిగిపోయింది. డార్లింగ్ తర్వాత సినిమాల నిర్మాతలు కూడా బడ్జెట్ మరింత పెంచడానికి రెడీ అయిపోతున్నారు. కాగా సందీప్ రెడ్డి వంగా దర్శకత్వంలో ప్రభాస్ ఒక మూవీ చేయాల్సి ఉంది. స్పిరిట్ అనే టైటిల్ ని ఈ సినిమాకు ఫిక్స్ చేశారు. అయితే ఈ సినిమా కోసం మొదట 300 కోట్ల బడ్జెట్ అనుకున్నారు. కానీ ఇప్పుడు ఈ బడ్జెట్ అమాంతం పెరిగిందట. ఏకంగా 500 కోట్లతో ఈ సినిమాను నిర్మించాలని అనుకుంటున్నారట. ఇది మాత్రమే కాదు సలార్ 2, రాజా సాబ్, ప్రభాస్ - హను కాంబో మూవీ నిర్మాతలు కూడా ఇలా ప్రభాస్ సినిమాల విషయంలో బడ్జెట్ గురించి ఆలోచించకుండా ఎక్కువ పెట్టేందుకు కూడా రెడీ అవుతున్నారు అన్నది తెలుస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి