ఎందుకంటే సూర్యతో జై భీమ్ లాంటి ఒక వైవిద్యమైన కాన్సెప్ట్ ను తీసుకొని సూపర్ హిట్ కొట్టిన జ్ఞానవేల్.. ఇక ఇప్పుడు వెట్టయాన్* అనే మూవీకి దర్శకుడుగా వ్యవహరించబోతున్నాడు. దీంతో ఈ సినిమా ఎలా ఉండబోతుందో చూడటానికి అభిమానులు అందరూ కూడా ఎంతో ఆత్రుతగా ఎదురు చూస్తూ ఉన్నారని చెప్పాలి. కాగా ఈ మూవీలో అమితాబచ్చన్ లాంటి అగ్రనటులు కనిపించబోతూ ఉండడంతో.. సినిమాపై ఉన్న అంచనాలు అంతకంతకు పెరిగిపోతున్నాయి. అమితాబ్ మాత్రమే కాకుండా రానా, మంజు వారియర్, ఫహద్ ఫాసిల్ లాంటి విలక్షణ నటులు కూడా కీలకపాత్రలో కనిపించబోతున్నారు.
ఇకపోతే ఈ సినిమా విడుదలకు సిద్ధమవుతూ ఉండగా ఇటీవల చెన్నైలో అటు ఆడియో లాంచ్ కార్యక్రమం కూడా జరిగింది. అయితే ఈ కార్యక్రమంలో అమితాబచ్చన్ పాల్గొనక పోయినప్పటికీ తన వీడియో మెసేజ్ మాత్రం పంపించారు. ఈ క్రమంలోనే రజినీతో ఉన్న అనుబంధాన్ని గుర్తు చేసుకున్నారు. ఇది నా తొలి తమిళ సినిమా. 1991లో వచ్చిన హమ్ సినిమాలో నేను రజనీ కలిసి నటించాం. ఆ సినిమా షూటింగ్ సమయంలో నేను క్యారెవ్యా న్లో ఏసీలో పడుకుంటే రజిని మాత్రం నేల మీద పడుకునేవారు. ఆయన సింప్లిసిటీ చూసి ఆశ్చర్యపోయా. నేను కూడా ఆయనతోపాటు నేల మీద పడుకోవడం మొదలు పెట్టాను అంటూ అమితాబ్ చెప్పుకొచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి