ఈ క్రమంలోనే తాజా పరిణామానికి ఎన్టీఆర్ స్వయంగా రంగంలోకి దిగి, అభిమానులను బుజ్జగించడానికి సోషల్ మీడియాలో ఓ వీడియో పోస్ట్ చేశాడు. ఆర్ఆర్ఆర్ సూపర్ హిట్ తర్వాత వస్తున్న సినిమా కావడంతో ఆడియన్స్ ఈ సినిమాపైన అంచనాలు భారీగా పెట్టుకున్నారు. పైగా ఎన్టీఆర్ నుండి సోలో సినిమా వచ్చి దాదాపు నాలుగేళ్లు గడిచిపోయింది. అలాంటప్పుడు తగిన జాగ్రత్తలు తీసుకోవాలి కదా? దేవర ప్రీరిలీజ్ ఫంక్షన్ ను నోవాటెల్ లో నిర్వహించగా లిమిటెడ్ గా పాస్ లు జారీ చేశారు. అయినప్పటికీ అభిమానుల తీరుని తెలంగాణ గవర్నెమెంట్ ముందే ఉహించాల్సి ఉండాలి. భారీ ఎత్తున బందోబస్తు ఏర్పాటు చేయాల్సింది. అరకిలోమీటర్ ముందే పాసులు ఉన్న వారిని మాత్రమే అనుమతించే పని ముందుగా చేస్తే, వేరేలా ఉండేది. కానీ అది జరగలేదు!
అలా కాకుండా ప్రతి ఒక్కరు వేదిక గేటు వద్దకు వచ్చే అవకాశం ఇస్తే.. జనాలు పెరిగే కొద్దీ.. హైదరాబాద్ లాంటి సిటీలో ట్రాఫిక్ ఇబ్బందులు గురించి చెప్పాల్సిన పనిలేదు. ఈ చిన్న లాజిక్ ను ప్రీరిలీజ్ ఫంక్షన్ నిర్వాహకులు ఎలా మిస్ అయ్యారు అనేది ప్రశ్నగా ఉంది. వేలాది మంది అభిమానుల్ని యాబై మంది పోలీసులు.. ఏ మాత్రం కంట్రోల్ చేయగలరు? కట్ చేస్తే, భారీగా వచ్చిన అభిమానుల్ని కంట్రోల్ చేసే క్రమంలో ఫెయిల్ కావడంతో ఒక్కసారిగా అభిమానులు లోపలకు దూసుకెళ్లారు. అక్కడ వారికి ఇబ్బంది ఎదురు కావటంతో సీన్ మొత్తం రచ్చ రచ్చగా మారింది. దాంతో ప్రవేశ ద్వారాల అద్దాలు పగిలిపోవటం.. వంటివి జరిగాయి. దాంతో అనూహ్య పరిణామాలతో ఫంక్షన్ మొత్తం క్యాన్సిల్ చేయాల్సి వచ్చింది. ఇంకేముంది ఎన్నో వ్యయ ప్రయాసలతో వచ్చిన వారంతా తీవ్ర నిరాశతో వెనుతిరగాల్సి వచ్చింది!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి