అయితే మెగాస్టార్ తో సినిమా ఎప్పుడు ప్రారంభం అవుతుందనేది బాస్ చేతిలోనే ఉందని హరీష్ శంకర్ అన్నారు. ఇదిలా ఉంటే హరీష్ శంకర్ దర్శకత్వంలో మెగాస్టార్ చిరంజీవి గ్రీన్ సిగ్నల్ ఇచ్చినట్లుగా తెలుస్తోంది. మెగాస్టార్ చిరంజీవి హీరోగా హరీష్ శంకర్ దర్శకత్వంలో డివివి దానయ్య ఒక సినిమా చేయబోతున్నారు. ఈ మధ్యనే మెగాస్టార్ చిరంజీవి ఒక కమర్షియల్ యాడ్ లో కనిపించారు. ఆ కమర్షియల్ యాడ్ ని డైరెక్ట్ చేసింది హరీష్ శంకర్. అక్కడ కాస్త రాపో ఏర్పడడంతో మెగాస్టార్ చిరంజీవి సినిమా చేయమని ఆఫర్ ఇచ్చారట. కాబట్టి ఇప్పుడు ఆయన ఆ స్క్రిప్ట్ సిద్ధం చేసే పనిలో పడినట్లుగా తెలుస్తోంది. ఆసక్తికరమైన విషయం ఏమిటంటే దానయ్య ఇప్పటికే హరీష్ శంకర్ తో పాటు చిరంజీవికి కూడా అడ్వాన్సులు పంపినట్లుగా తెలుస్తోంది. వచ్చే ఏడాది ఈ సినిమా పట్టాలకి ఆకాశం కనిపిస్తోంది అయితే చిరంజీవి ప్రస్తుతం విశ్వంభర షూటింగ్లో ఉన్నాడు. హరిష్ శంకర్ సినిమా కంటే ముందు మరో సినిమా ఆయన పూర్తి చేసే అవకాశం కనిపిస్తోంది.
ఈ నేపథ్యంలో 2025 సంక్రాంతికి విశ్వంభర మూవీ థియేటర్స్ లోకి రానుంది. దీని తర్వాత మోహన్ రాజా దర్శకత్వంలో చిరంజీవి ఒక సినిమా చేయనున్నారు. సుస్మిత కొణెదల ఈ చిత్రాన్ని నిర్మించబోతోందని తెలుస్తోంది. బీవీఎస్ రవి ఈ సినిమాకి కథ అందిస్తున్నారంట. త్వరలో ఈ చిత్రానికి సంబందించిన అఫీషియల్ ప్రకటన వచ్చే అవకాశం ఉందనే టాక్ వినిపిస్తోంది.ఈ సినిమా కూడా కంప్లీట్ అయ్యాక అప్పటి సిచువేషన్ బట్టి హరీష్ శంకర్ దర్శకత్వంలో మెగాస్టార్ చిరంజీవి మూవీ చేసే అవకాశం ఉండొచ్చనే ప్రచారం నడుస్తోంది. ఈ లోపు హరీష్ శంకర్ కూడా పవన్ కళ్యాణ్ తో ఉస్తాద్ భగత్ సింగ్ చిత్రాన్ని పూర్తి చేసే ఛాన్స్ ఉంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి