అయితే అనివార్య కారణాలతో ఈ సినిమా మధ్యలోనే ఆపేశారు. కొంత గ్యాప్ తీసుకున్న తర్వాత కేపీ రోహిత్ దర్శకత్వంలో మరో సినిమాను అనౌన్స్ చేశారు. దీన్ని ప్రైమ్ షో ఎంటర్టైన్మెంట్ నిర్మించడానికి సిద్ధమైంది. మ్యాడ్ వంటి బ్లాక్ బస్టర్ సినిమాల తర్వాత బీమ్స్ సిసిరోలియో ఈ సినిమాకు సంగీతం అందిస్తున్నారు. తొలి షెడ్యూల్ కూడా ఇప్పటికే పూర్తిచేసుకున్న ఈ సినిమాలో సాయి ధరమ్ తేజ్ హీరోగా, ఐశ్వర్య లక్ష్మి హీరోయిన్ గా నటిస్తోంది.
ప్రస్తుతం ఈ సినిమా షూటింగ్ దశలో ఉంది. ఈ సినిమా కోసం ఏకంగా 12 ఎకరాల్లో ప్రత్యేకంగా సినిమా సెట్ ను నిర్మించారు. కీలకమైన యాక్షన్ ఘట్టాలను ఈ సెట్ లోనే చిత్రీకరించనున్నారు. 12 ఎకరాల్లో సెట్ వేయడం అంటే మామూలు విషయం కాదు. కోట్ల రూపాయల ఖర్చు పెట్టాల్సి వస్తోంది. ఇప్పటివరకు సాయిధరమ్ తేజ్ కెరీర్ లో ఇంతవరకు భారీ సెట్ నిర్మించలేదు. ఇది తన కెరీర్ లోనే ప్రత్యేకంగా నిలిచిపోనుంది. సినిమా కథ డిమాండ్ చేస్తుంది కనకే అంతమేరకు సెట్ నిర్మిస్తున్నారా.... లేదంటే మరేదైనా కారణం ఉందా... అనే విషయాలు తెలియాల్సి ఉంది.
ఏది ఏమైనప్పటికీ మెగా ఇంటి నుంచి వచ్చిన హీరో 12 ఎకరాలను కబ్జా చేశాడంటూ నెటిజన్లు కామెంట్లు చేస్తున్నారు. కాగా, సాయి ధరమ్ తేజ్ నటించిన విరూపాక్ష సినిమా సూపర్ హిట్ గా నిలిచిన సంగతి తెలిసిందే. ఆ సినిమా అనంతరం సాయిధరమ్ తేజ్ నటిస్తున్న భారీ సినిమా ఇదే కావడంతో ప్రేక్షకుల్లో ఈ సినిమాపై భారీ అంచనాలు ఏర్పడ్డాయి. మరి ఈ సినిమా సాయి ధరమ్ తేజ్ కు ఎంత మేరకు సక్సెస్ ఇస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి