ఎన్టీఆర్ సోలో గా సింగిల్ గా వెండి తెర మీద క‌నిపించి ఐదున్న‌ర సంవ‌త్స‌రాలు అవుతోంది. 2018 లో వచ్చిన అర‌వింద స‌మేత వీర‌రాఘ‌వ తర్వాత ఎన్టీఆర్ మ‌ళ్లీ సోలో హీరోగా సినిమా చేయ‌లేదు. మ‌ధ్య‌లో త్రిబుల్ ఆర్ వ‌చ్చినా అది రామ్ చరణ్ తో క‌లిసి చేసిన మ‌ల్టీస్టార‌ర్ మూవీ. అందులోనూ ఆ సినిమాకు రాజ‌మౌళి దర్శకుడు కావ‌డంతో చాలా వ‌ర‌కు క్రెడిట్ ఆయ‌న ఖాతాలో కూడా ప‌డింది. ఇక ఇప్పుడు దేవర సినిమా వ‌స్తోంది.
ఎన్టీఆర్ కి మాస్ లో ఎలాంటి క్రేజ్ ఉంది అనేది అందరికీ తెలుసు. మరి ఇది ఒక్క తెలుగు రాష్ట్రాల్లోనే కాకుండా యూఎస్ మార్కెట్ లో కూడా భారీ లెవెల్లో ఉంది. ఈ సినిమా ఇప్ప‌టికే రిలీజ్ కు మరో రెండు రోజుల టైం ఉండ‌గానే 2 మిలియన్ డాల‌ర్ల క్ల‌బ్‌లో కి చేరిపోయింది. ప్రీ సేల్స్ ద్వారా 2 మిలియన్ డాల‌ర్లు అంటే మామూలు విషయం కాదు.
అలాగే ఎన్టీఆర్ అదిరిపోయే రికార్డ్ తన ఖాతాలో వేసుకున్నాడు. బ్యాక్ టు బ్యాక్ సినిమాలుగా 2 మిలియన్ డాలర్స్ గ్రాస్ ని నార్త్ అమెరికా మార్కెట్ లో కొట్టిన రెండో హీరోగా తారక్ RRR, దేవర సినిమాలతో నిలిచాడు. మరి దీనికి ముందు ప్రభాస్ నటించిన భారీ చిత్రాలు సలార్ - కల్కి 2898 ఎడి ఉన్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి