బాక్సాఫీస్ దగ్గర విధ్వంసం సృష్టించేందుకు దేవర రెడీ అయిపోయాడు. ఈ సినిమాలతో బాక్సాఫీస్ దగ్గర సరికొత్త రికార్డులు క్రియేట్ కావటం ఖాయమని ట్రేడ్ వ‌ర్గాలు ధీమా వ్యక్తం చేస్తున్నాయి. దేవర సినిమాను ఓవర్సీస్ లోను భారీ స్థాయిలో రిలీజ్ చేసేందుకు మేకర్స్ రెడీ అవుతున్నారు. ఇప్పటికే యూఎస్ లో రికార్డులు మొదలుపెట్టిన దేవర మిగిలిన దేశాలలో తన సత్తా చాటుతున్నాడు. మరి ముఖ్యంగా ఆస్ట్రేలియా, న్యూజిలాండ్ దేశాలలో దేవర కోసం భారీ క్రేజ్ నెలకొంది. అక్కడ డిస్ట్రిబ్యూటర్లు దేవర తొలి భాగాన్ని భారీ స్థాయిలో రిలీజ్ చేస్తున్నారు.
ఆస్ట్రేలియా, న్యూజిలాండ్ దేశాలలో డాల్బీ అట్మోస్ సౌండ్‌తో అత్యధిక షోలు పడుతున్న తొలి ఇండియన్ సినిమాగా దేవర మరో అదిరిపోయే మాస్ రికార్డు సాధించింది. ఈ దేశాల్లో దేవర రీసౌండ్ చేయటం ఖాయమని మేకర్స్ కాన్ఫిడెంట్ గా ఉన్నారు. ఈ సినిమాలో ఎన్టీఆర్ రెండు వైవిధ్యమైన పాత్రలలో నటిస్తుండగా.. ఎన్టీఆర్‌కు జోడిగా జాన్వికపూర్ హీరోయిన్గా నటిస్తోంది. బాలీవుడ్ సీనియర్ హీరో సైఫ్ అలీ ఖాన్ విల‌న్‌గా నటిస్తున్నారు. అలాగే మరో బాలీవుడ్ హీరో బాబీడియోల్ కూడా మరో విలన్ పాత్రలో కనిపించబోతున్నారు. అనిరుధ్‌ రవిచంద్రన్ సంగీతం అందించిన ఈ సినిమాను ఎన్టీఆర్ ఆర్ట్స్, యువ సుధా బ్యాన‌ర్లు సంయుక్తంగా నిర్మించాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి