సినిమా వాళ్ళు సాధారణంగా అనేక రకాల కధలు సినిమాలుగా తీస్తూ ఉంటారు. ఈ క్రమంలో వారి జీవితాలు ఎక్కడెక్కడో తిరుగుతూ ఉంటాయి. ఎంతైనా అది రంగుల ప్రపంచం... తప్పదు మరి వారికి! అయితే అదే సినిమావాళ్లు కొందరు ఇపుడు మహానగరంలో ఒకే ఒక్క పోలీసు స్టేషన్ చుట్టూ కాళ్ళ చెప్పులు అరిగేలా తిరుగుతున్న పరిస్థితి ఏర్పడింది. అదే భాగ్యనగరంలో కొలువైన నార్సింగ్ పోలీస్ స్టేషన్. ముఖ్యంగా ఈ పరంపర డ్రగ్స్ కేసులతోనే మొదలైందని చెప్పుకోవచ్చు. మత్తు అనే మాట కూడా వినపడ కూడదు అన్న లక్ష్యంతో డ్రగ్‌ మాఫియాపై ఉక్కుపాదం మోపింది తెలంగాణ ప్రభుత్వం. ఈ క్రమంలోనే విల్లా చాటున దాగున్న బిగ్‌ డ్రగ్‌ రాకెట్‌ను బ్రేక్‌ చేశారు నార్సింగి పోలీసులు.

ఇక అక్కడినుండే అసలు సినిమా కధలు స్టార్ట్ అయ్యాయి. రీసెంట్‌ టైమ్స్‌లో నార్సింగి ఠాణా సినిమా వాళ్ళ లవ్‌ బ్రేకప్‌ ఇష్యూలకు కూడా స్పాట్‌గా మారడం కొసమెరుపు. వాటిల్లో మేజర్‌ కేసులు సినిమా వాళ్లకు చెందినవే అని సదరు పోలీసులు నవ్వుకొని మరీ గుసగుసలాడుకుంటున్న పరిస్థితి వచ్చింది పాపం సినిమా వారికి. ఈ క్రమంలోనే లేటెస్ట్‌గా హర్షసాయిపై కూడా రేప్‌ కేసు ఫైలయింది ఇక్కడే. ఇక జానీ మాస్టర్‌ రేప్ కేసు గురించి ఇక్కడ ప్రత్యేకించి చెప్పాల్సిన పనిలేదు. ఆ వేడి ఇంకా తగ్గనే లేదు. లావణ్య - రాజ్‌ తరుణ్‌ వివాదం అయితే సినిమాను మించిపోయే రీతిలో ఇక్కడ హల్ చల్ చేసింది. రాజ్‌ తరుణ్‌ తనను మోసం చేశారంటూ నార్సింగి పీఎస్‌లో లావణ్య ఫిర్యాదు చేసిన సంగతి విదితమే.

ఇక జానీ మాస్టర్‌ తనను లైంగికంగా వేధించాడని.. 16 ఏళ్ల పడుచు ప్రాయంలోనే తన యవ్వనాన్ని జానీ దోచుకున్నాడని వాపోయింది తోటి డాన్సర్ స్రష్టి. తన మాట గాని వినకపోతే ఇండస్ట్రీలో అవకాశాలు లేకుండా చేస్తానని బెదరించాడంటూ అసిస్టెంట్‌ కొరియోగ్రాఫర్‌ స్రష్టి 40 పేజీల్లో తన ఆవేదనను వెళ్లగక్కింది. దాంతో కట్ చేస్తే, గోవాలో జానీ మాస్టర్‌ పోలీసులకు చిక్కాడు.. ఇదే క్రమంలో 14 రోజుల రిమాండ్‌ పడడం తెలిసిందే. ఇక బిగ్‌బాష్‌ ఫేమ్‌ షణ్ముఖ్‌ జస్వంత్‌ కేసు అయితే అప్పట్లో సంచలనం రేపింది. ఆ కేసును డీల్‌ చేసింది కూడా నార్సింగి పోలీసులే. అదేం చిత్ర విచిత్రమో కానీ లా అండ్‌ ఆర్డర్‌ కేసులకన్నా ఇట్టాంటి కేసులకు నార్సింగ్‌ పీఎస్‌ కేరాఫ్‌గా మారిందనే టాక్‌ ఇపుడు భాగ్యనగరంలో ఘోషిస్తోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

పోలీస్ స్టేషన్

Suma Kallamadi

25/09/2024 01:00 PM