దేవర' సినిమా ప్రీ సేల్ టిక్కెట్లు బాగా అమ్ముడుపోయినా, అందులో ఎక్కువ భాగం తెలుగు వెర్షన్ టికెట్లే రిలీజ్ అయ్యాయి. హిందీ వెర్షన్ టిక్కెట్లు మాత్రం సినిమా రిలీజ్ కావడానికి ముందు రోజే అమ్మకానికి వచ్చాయి. దీంతో ఎన్టీఆర్ ఫ్యాన్స్ చాలా డిసప్పాయింట్ అవుతున్నారు. వారి అభిప్రాయం ప్రకారం, హిందీ వెర్షన్ టిక్కెట్లు కూడా ముందుగానే అమ్మకానికి వచ్చి ఉంటే, సినిమా మొదటి రోజు వసూళ్లు ఇంకా ఎక్కువగా ఉండేవి.
బాలీవుడ్ వ్యాపార నిపుణుల అంచనా ప్రకారం, హిందీ వెర్షన్ మొదటి రోజు 10 నుంచి 12 కోట్ల రూపాయలు వసూలు చేస్తుంది. కానీ, ఎన్టీఆర్ అభిమానులు ఈ సినిమా 25 కోట్ల రూపాయలు వసూలు చేసేదని అనుకుంటున్నారు. విచిత్రంగా, 'దేవర' సినిమా ప్రచారం మొదట ముంబైలోనే భారీగా జరిగింది.
ఎన్టీఆర్ డ్యూయల్ రోల్స్‌ చేస్తున్న 'దేవర' సినిమాలో బాలీవుడ్ నటులు సైఫ్ అలీ ఖాన్, జాన్వీ కపూర్ కూడా ముఖ్య పాత్రలు పోషించారు. ఈ సినిమాని కొరటాల శివ దర్శకత్వం వహించగా, నందమూరి కళ్యాణ్ రామ్, మిక్కిలినేని సుధాకర్, కోసరాజు హరికృష్ణ నిర్మించారు. దీనికి అనిరుధ్ రవిచందర్ సంగీతం అందించారు. అతని కంపోజ్ చేసిన చుట్టమల్లే సాంగ్ సూపర్ హిట్ అయిన సంగతి తెలిసిందే. ఇక దేవర ట్రైలర్లలో కూడా బిజిఎం మ్యూజిక్ అదిరిపోయింది సినిమా మొత్తానికి అతని మంచి మ్యూజిక్ అందించి ఉంటాడని చాలామంది అభిప్రాయపడుతున్నారు. రేపే దేవర సినిమా లాంచ్ కానుంది. ఈ మూవీ హిట్ అయితే ఎన్టీఆర్ ఫుల్ ఖుషి అవుతాడని చెప్పుకోవచ్చు. ఎందుకంటే రాజమౌళితో సినిమా చేసిన తర్వాత అందరూ ఫ్లాప్స్ అనుకుంటారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి