ఇలా కొత్త హీరోలను, దర్శకులను, రచయితలను ఆయన ప్రోత్సహిస్తారు. అంతే కాదు ఇతర సినిమాల ప్రమోషన్ల కార్యక్రమాల్లో కూడా పాల్గొంటారు. తాజాగా కూడా సుకుమార్ "నాన్న సూపర్ హీరో" సినిమా టీజర్ ఫంక్షన్ కి వెళ్లారు. ఆపై హీరో సుధీర్ బాబుకు కంగ్రాట్యులేట్ చేస్తూ ఓ మెసేజ్ పంపించడం జరిగింది. సుకుమార్ తనని అభినందించడంతో హీరో సుధీర్ బాబు కూడా తెగ ఆనందంతో మురిసిపోయాడు.
అంతేకాదు, సుకుమార్ మెసేజ్ ని స్క్రీన్ షాట్ తీసి తన సోషల్ మీడియా అకౌంట్లో షేర్ చేస్తూ సుక్కు కి కృతజ్ఞతలు తెలుపుకున్నారు. ఈ స్క్రీన్ షాట్ లో సుకుమార్ వాట్సాప్ డీపీ సైతం బయటపడింది. అంతే ఒక్కసారిగా ఇది వైరల్ గా మారింది. డైరెక్టర్ సుకుమార్ వాట్సాప్ డీపీలో ఎవరి ఫొటో ఉందో తెలుసుకోవాలని చాలామంది ఆసక్తి చూపిస్తున్నారు అయితే ఆ ఫోటోలో ఉన్నది మరెవరో కాదు సుకుమార్ తండ్రి తిరుపతి రావు. దురదృష్టవశాత్తు సుకుమార్ తండ్రి కొన్నేళ్ల క్రితం కన్నుమూశారు.
సుధీర్ బాబు ఈ వాట్సాప్ డీపీ గురించి కూడా మాట్లాడాడు. ‘సుకుమార్ గారు మీ డీపీలో మీ నాన్నగారి ఫోటో ఉంది. ఆయన అంటే మీకు ఎంత ఇష్టమో అర్థమవుతోంది. మా మూవీ కూడా నాన్నని సూపర్ హీరోగా చూసే ఓ యువకుడి కథ’ అని అన్నాడు. తిరుపతిరావు, సుకుమార్ మధ్య మంచి అనుబంధం ఉంది. అందుకే తన సినిమాల్లో తండ్రి పాత్రలను చాలా ప్రత్యేకంగా రూపొందిస్తారు. అంతేకాదు, సొంతూరిలో తండ్రి పేరు మీద స్కూల్ బిల్డింగ్ కూడా సొంతంగా నిర్మించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి