అయితే ఈ సినిమాలతో నిఖిల్ కు నటుడిగా ఆశించిన రేంజ్ లో గుర్తింపు అయితే రాలేదు. హ్యాపీడేస్ సినిమాలో హీరోలలో ఒకడిగా నటించిన నిఖిల్ తన మార్క్ నటనతో ప్రశంసలు అందుకున్నారు. అయితే ఈ సినిమా తర్వాత నిఖిల్ నటించిన సినిమాలేవీ బాక్సాఫీస్ వద్ద ఆశించిన ఫలితాన్ని సొంతం చేసుకోలేదనే చెప్పాలి. స్వామిరారా, కార్తికేయ సినిమాలతో బ్యాక్ టు బ్యాక్ సక్సెస్ లను అందుకున్న నిఖిల్ ఈ సినిమాలతో మినిమం గ్యారంటీ హీరోగా పేరు తెచ్చుకున్నారు.
మధ్యలో కొన్ని సినిమాలు నిరాశపరిచినా ఎక్కడికి పోతావు చిన్నవాడా నిఖిల్ కు భారీ విజయాన్ని అందించింది. కార్తికేయ2 సినిమాతో నిఖిల్ కెరీర్ బిగ్గెస్ట్ హిట్ అందుకోవడంతో పాటు 18 పేజెస్ సినిమాతో సత్తా చాటారు. స్పై సినిమా నిరాశ పరిచినా నిఖిల్ తర్వాత సినిమాలపై అంచనాలు పెరుగుతున్నాయి. నిఖిల్ రెమ్యునరేషన్ సైతం ఒకింత భారీ స్థాయిలోనే ఉందనే సంగతి తెలిసిందే.
నిఖిల్ ప్రస్తుతం స్వయంభూ అనే సినిమాలో నటిస్తుండగా పాన్ ఇండియా కాన్సెప్ట్ తో తెరకెక్కుతున్న ఈ సినిమా నిఖిల్ కు మరో భారీ విజయాన్ని అందిస్తుందని అభిమానులు ఫీలవుతున్నారు. నిఖిల్ బ్యాక్ గ్రౌండ్ లేకున్నా బాక్సాఫీస్ ను షేక్ చేస్తుండటం గమనార్హం. సోషల్ మీడియాలో సైతం నిఖిల్ కు ఊహించని స్థాయిలో క్రేజ్ ఉంది. నిఖిల్ రాజకీయాల్లోకి ఎంట్రీ ఇస్తారని ప్రచారం జరిగినా ఆ ప్రచారం నిజం కాలేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి