ఇక ఈ సినిమాలో ఎన్టీఆర్ తో పాటు హీరోయిన్గా నటించిన జాన్వీ కపూర్ పాత్ర కూడా ఎంతో పాపులర్ అయింది. సినిమాలో కనిపించింది కొద్దిసేపై అయినా తన నటనతో తన అందంతో ప్రేక్షకులను మెరిపించింది. ఇదే క్రమంలో సెకండ్ పార్ట్ జాన్వీ పాత్ర మరింత ఎలివేట్ అవుతుందని కూడా అంటున్నారు. అయితే ఇప్పుడు ఈ సినిమాలో జాన్వీకి డబ్బింగ్ చెప్పింది ఎవరు.. ఆమె పేరేంటి అనే విషయాలు ఇక్కడ తెలుసుకుందాం.
దేవర సినిమా ట్రైలర్ విడుదలైనప్పుడు జాన్వీ డైలాగ్స్ విని ఆమె కు స్టార్ యాంకర్ కమ్ యాక్టర్ అనసూయ డబ్బింగ్ చెప్పిందని అంతా భావించారు. కానీ కాదు జాన్వీ పాత్రకు డబ్బింగ్ చెప్పింది పీవీఎస్ శ్వేత. ఈ అమ్మడు ఆర్జేగా చాలా పాపులర్. తన వాయిస్ తో ఎంతో మంది అభిమానులను సొంతం చేసుకుంది. డబ్బింగ్ ఆర్టిస్ట్ గా కూడా శ్వేత క్రేజ్ తెచ్చుకుంది. తెలుగులో యంగ్ బ్యూటీ కృతిశెట్టికి కూడా శ్వేతనే డబ్బింగ్ చెప్పింది. అలాగే ఇంకొంతమంది హీరోయిన్స్ కు కూడా డబ్బింగ్ చెప్పింది. ఇక దేవర సినిమాలో జాన్వికపూర్ కు కూడా శ్వేత డబ్బింగ్ చెప్పి ఆకట్టుకుంది. జాన్వీ పాత్రకు శ్వేత వాయిస్ సూపర్ గా సెట్ అయ్యింది. ఇక ఈ ఆర్జే అమ్మడు సోషల్ మీడియాలోనూ రీల్స్ చేస్తూ పాపులర్ అయ్యింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి