ఇదే క్రమంలో విజయ్ దేవరకొండ నటించిన గత సినిమాలు బాక్సాఫీస్ దగ్గర ఆశించిన సక్సెస్ అందుకోలేక పోయాయి. పాన్ ఇండియా మూవీ గా వచ్చిన లైగ‌ర్ విజయ్‌కు భారీ డిజాస్టర్ గా మిగిలిపోయింది. ఆ తర్వాత వచ్చిన ఖుషి విజయ్ క్రేజ్ కు సరిపడ హిట్ సినిమాగా ప‌డ‌లేదు. గీత గోవిందం లాంటి సూపర్ హిట్ ఇచ్చిన పరుశురాంతో చేసిన ఫ్యామిలీ స్టార్ కూడా విజయ్‌కు సక్సెస్ ఇవ్వలేదు.ఇక ప్ర‌స్తుతం విజయ్ తన 12వ సినిమా షూటింగ్లో బిజీగా ఉన్నాడు. ఈ క్రమంలోనే గతంలో ఓ ఇంటర్వ్యూలో విజయ్ తన వ్యక్తిగత జీవితంపై చేసిన కామెంట్లు ఇప్పుడు హాట్ టాపిక్ గా మారాయి.
అసలు విషయం ఏమిటంటే విజయ్ దేవరకొండ హీరోగా మారటానికి సూపర్ స్టార్ మహేష్ బాబే కారణమట. ఎస్ మీరు వింటున్నది నిజమే.. ఇదే విషయాన్ని విజయ్ స్వయంగా చెప్పుకొచ్చాడు. అలా అని విజయ్ హీరోగా ఎదగడానికి మహేష్ సాయం చేశాడు అనుకుంటే పొరపాటే అవుతుంది. నిజం ఏమిటంటే విజయ్ హీరోగా అవ్వాలన్న తపన మహేష్ బాబు కారణంగానే కలిగిందట. మహేష్ ను సూపర్ స్టార్ గా మార్చిన సినిమా పోకిరి.. అప్పట్లో ఇది ఎంత పెద్ద హిట్‌గా నిలిచిందో అందరికీ కొత్తగా చెప్పనవసరం లేదు. అయితే ఈ సినిమాలోని మహేష్ బాబు ఎంట్రీ సీన్ అంటే విజయ్ దేవరకొండకు ఎంతో ఇష్టమట. పోకిరి సినిమాలో మహేష్ ఎంట్రీ సీన్ చూసిన టైంలోనే తను కూడా హీరో అవ్వాలని డిసైడ్ అయ్యాడట .. అసలైన హీరో ఇజం అంటే ఇది అనిపించిందని అందుకే ఆ నిమిషం హీరో అవ్వాలని నిర్ణయించుకున్నాను అంటూ విజయ్ దేవరకొండ చెప్పుకొచ్చాడు. అంతేకాకుండా తనకు అవకాశం వస్తే అదే సన్నివేశాన్ని రీ క్రియేట్ చేస్తానని కూడా చెప్పుకొచ్చాడు. మరి విజయ్ కోరిక రాబోయే రోజుల్లో నెరవేరుతుందో లేదో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి