- ( టాలీవుడ్ - ఇండియా హెరాల్డ్ ) . .

- వార్ 2 .. ప్ర‌శాంత్ నీల్ సినిమాల త‌ర్వాతే దేవ‌ర 2
- 2027 లేదా 2028 లో దేవ‌ర 2 రిలీజ్ ప్లానింగ్‌


టాలీవుడ్ యంగ్ టైగర్ జూనియర్ ఎన్టీఆర్ తాజాగా నటించిన భారీ పాన్ ఇండియా సినిమా దేవర. జనతా గ్యారేజ్ లాంటి సూపర్ డూపర్ హిట్ సినిమా తర్వాత ఎన్టీఆర్, కొరటాల శివ కాంబినేషన్లో తెర‌కెక్కిన దేవర సినిమా మిక్స్డ్ టాక్ తో బాక్సాఫీస్ దగ్గర జర్నీ ప్రారంభించి అందరి అంచనాలు పటాపంచలు చేస్తూ తొలి వారం రోజులకే ఏకంగా రూ.400 కోట్ల రూపాయ‌ల క్ల‌బ్ లో చేరిపోయింది. అటు బాలీవుడ్ లోనూ అంచనాలను మించి ఏకంగా రూ.50 కోట్ల వసూలు రాబట్టింది. అమెరికాలో అయితే 5 . 5 మిలియన్ డాలర్ల మార్క్ క్రాస్ చేసి ఆరు మిలియన్ డాలర్ల వైపు పరుగులు పెడుతోంది. ఇదిలా ఉంటే దేవర సినిమాకు కొనసాగింపుగా.. కొరటాల శివ పార్ట్ 2 కూడా ప్లాన్ చేసిన సంగతి తెలిసిందే.


పార్ట్ వన్ లో చాలా అంశాలకు ఆన్సర్లు లేకుండా దర్శకుడు కొరటాల అలాగే వదిలివేశారు. ఇక పార్ట్ 2 కోసం చాలామంది ఎదురు చూస్తుండగా.. ఇప్పుడు సినీ వర్గాలలోకి సంబంధించి ఇంట్రెస్టింగ్ రూమర్లు బయటకు వచ్చాయి. దేవర పార్ట్ 1లో చూపించిన నేపథ్యానికి పూర్తి భిన్నంగా బ్యాక్ డ్రాప్ ప్లాన్ చేస్తున్నాడట కొరటాల. ఇందులో వచ్చే యాక్షన్స్ స‌న్నివేశాలు అదిరిపోతాయని తెలుస్తోంది. పార్ట్-2 రావడానికి 2027 లేదా 2028 వరకు ఆగాల్సిందే అని టాక్ వినిపిస్తోంది. మధ్యలో ఎన్టీఆర్ వార్ 2 సినిమాతో పాటు ప్రశాంత్ నీల్‌ దర్శకత్వంలో తెర‌కెక్క‌నున్న మూవీలో కూడా నటిస్తున్న సంగతి తెలిసిందే. ఈ రెండు సినిమాలు పూర్తయ్యాక కానీ దేవర 2 సెట్స్ మీదకు వెళ్లే అవకాశం లేదు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Devara 2

RAMAKRISHNA S.S.

05/10/2024 03:20 PM