అని ప్రశ్నించగా తారక్‌ ఆసక్తికరంగా సమాధానం ఇచ్చారు. ఈ సందర్భంగా ఎన్టీఆర్ మాట్లాడుతూ నా అభిప్రాయాలు, ఇష్టాయిష్టాలను వారిపై రుద్దడం నాకు నచ్చదు. అలా నేను చేయను.ఇప్పుడున్న రోజుల్లో పిల్లలు వారి సొంత ఆలోచనలు కలిగి ఉండాలని నేను కచ్చితంగా నమ్ముతాను. వారు ఏం చేయాలనుకుంటున్నారో నిర్ణయించుకునే వాతావరణాన్ని మనం కల్పించాలి. ఇది చెయ్‌, అది చెయ్‌ అని అడ్డంకులు సృష్టించకూడదు. వాళ్లిద్దరి మధ్య ఎంతో వ్యత్యాసం ఉంది.
సినిమాల్లోకి అడుగుపెట్టు యాక్టింగ్‌లోనే రాణించాలి అని వాళ్లను బలవంతం చేయను. ఎందుకంటే నా తల్లి దండ్రులు నన్ను ఆవిధంగా ట్రీట్‌ చేయలేదు. ఏదో సాధించాలనుకుంటున్నాడు చేయని అని అనుకున్నారు. అదే విధంగా నా పిల్లల అభిప్రాయాలను నేను కూడా గౌరవించాలనుకుంటున్నాను. నా వృత్తి గురించి నా పిల్లలకు తెలుసు.
తండ్రిని నటుడిగా చూసినప్పుడు, ఆ బాటలోనే అడుగులు వేయాలని తనయులు కూడా కోరుకుంటారు. ఇది సహజంగా జరుగుతుంది అని ఎన్టీఆర్ చెప్పుకొచ్చారు. ఈ సందర్భంగా ఎన్టీఆర్ చేసిన వ్యాఖ్యలు సోషల్ మీడియాలో వడలుగా మారాయి. అయితే ఎన్టీఆర్ చేసిన వాఖ్యల్ని బట్టి చూస్తే ఎన్టీఆర్ ను ఇన్స్పైర్గా తీసుకొని తన కొడుకులలో ఎవరో సినిమా ఇండస్ట్రీకి తప్పకుండా ఎంట్రీ ఇస్తారని అనిపిస్తోంది.
ఇదిలావుండగా ఇదే ఇంటర్వ్యూలో 'దేవర: పార్ట్‌ 2' ఎప్పుడు మొదలవుతుందన్న అంశంపై స్పందించారాయన. ''దేవర 1' చిత్రీకరణ సమయంలోనే పార్ట్‌2లోని కొన్ని సన్నివేశాలు పూర్తి చేశాం. తొలి భాగం విజయం సాధించడంతో మాపై బాధ్యత పెరిగింది. ఈ చిత్రం కంటే సీక్వెల్‌ ఇంకా బాగుంటుంది. ఇప్పటికే దీనికి సంబంధించిన కథ సిద్ధమైంది. 'దేవర' కోసం కొరటాల శివ ఎంతో కష్టపడ్డారు. అందుకే ఆయన్ని ఓ నెలన్నర పాటు విశ్రాంతి తీసుకోమని చెప్పా. ఆయన హాలీడే నుంచి తిరిగొచ్చాక రెండో భాగం పనులు ప్రారంభిస్తాం'' అన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి