1978లో అక్బర్ సలీం అనార్కలి సినిమా తెరకెక్కింది. ఈ సినిమాకు కథా, రచన, స్క్రీన్ ప్లే, దర్శకత్వం ఎన్టీ రామారావు.. సినిమా బాగా ఆడలేదు. ప్రేక్షకులకు నచ్చలేదు. కర్ణుడి చావుకు ఆరు కారణాలు అన్నట్టు ఈ సినిమా ప్లాప్ అవ్వటానికి చాలా కారణాలే ఉన్నాయి. అప్పటికే హిందీలో మొగల్ ఏ అజం పేరుతో ఒక సినిమా వచ్చింది. ఆ సినిమా సూపర్ డూపర్ హిట్. ఇక 1955లో అంజలి పిక్చర్స్ బ్యానర్ పై మన తెలుగు అనార్కలి తెరకెక్కి సూపర్ డూపర్ హిట్ అయింది. ఎస్వీ రంగారావు, అంజలీదేవి, అక్కినేని నటన అదరగొట్టేసింది.
ఈ సినిమా వచ్చిన 23 ఏళ్ల తర్వాత ఎన్టీఆర్‌కు కూడా అనార్కలి మీద సినిమా తీయాలన్న ఆలోచన రావడంతో.. సినిమా తెరకెక్కించారు. పాటలు, మాటలు అన్ని సి.నారాయణరెడ్డి రాశారు. సిపాయి ఓ సిపాయి పాట ఒకటే బాగా హిట్ అయింది. మహమ్మద్ రఫీ, సుశీలమ్మ ఈ పాట పాడారు. సలీమ్ గా.. బాలకృష్ణ, అనార్కలిగా.. దీప, జోధాగా జమున, తాన్సేన్గా.. గుమ్మడి, గున్నారుగా.. మాధవి , జోధా మేనల్లుడుగా.. శ్రీధర్ నటించారు. ఎన్టీఆర్, బాలకృష్ణ అభిమానులకు ఈ సినిమా ఎక్కినా ఓవరాల్ గా అయితే అంచనాలు అందుకోలేదు. ఈ విషాద ప్రేమ కథ తెలుగు ప్రేక్షకులకు ఎక్కలేదు. అలా బాలకృష్ణ కెరీర్లో ఎన్టీఆర్ స్వయంగా దర్శకత్వం వహించి తెరకెక్కించిన ఈ సినిమా డిజాస్టర్ గా మిగలడంతో పాటు చేదు అనుభవం మిగిల్చింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి