ఎన్టీఆర్ ఎంతో కష్టపడి ఐదు భాషల్లో ఆయనే డబ్బింగ్ చెప్పుకున్నాడు. అయినా కూడా తమిళ ప్రేక్షకులు ఎప్పటిలాగే తెలుగు హీరోల సినిమాలకి ఆసక్తి చూపించడం లేదు . అందుకే ఇక నుంచి వచ్చే సినిమాలను దర్శక , నిర్మాతలు మన సౌత్ భాషల్లో విడుదల చేయటం కంటే తెలుగు , హిందీ భాషల్లోనే దృష్టి పెట్టి ఈ రెండిటిలోనే విడుదల చేస్తే బాగుంటుందని అభిప్రాయాలు కూడా వస్తున్నాయి.అంతేకాక కొరటాల శివ సినిమా అంటేనే కమర్షియల్ తో పాటు మెసేజ్ తో ప్రేక్షకుల ముందుకు వస్తాడు. ఇప్పుడు దేవరను కూడా అదే ఫార్ములాతో తెచ్చాడు. ఇక్కడ ప్రతి మనిషికి భయం అనేది కచ్చితంగా ఉండాలి.. అది లేకపోతే కష్టం అనేది ఇందులో శివ చెప్పాలనుకున్న మెసేజ్.
మనిషికి బ్రతికేంత ధైర్యం ఉంటే చాలు.. చంపేంత ధైర్యం అవసరం లేదనేది ‘దేవర’ కథ. ఈ చిన్న లైన్‌పైనే సినిమా అంతా తీశాడు కొరటాల. అందులో కొన్ని ఎత్తులున్నాయి .. మరికొన్ని పల్లాలు కూడా ఉన్నాయి. సినిమా మొదలవ్వడమే చాలా సీరియస్‌గా మొదలవుతుంది. తొలి 20 నిమిషాల తర్వాత కానీ ఎన్టీఆర్ ఎంట్రీ ఉండదు. ఒక్కసారి తారక్ ఎంట్రీ ఇచ్చిన తర్వాత కథను చాలా సీరియస్ నోట్‌లోనే తీసికెళ్లాడు దర్శకుడు కొరటాల. సో ఇలాంటి ఫార్ములా తమిళ్ ఆడియెన్స్ కి నచ్చదని మరికొందరు అభిప్రాయపడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి