హైదరాబాదులో పంజాగుట్టలో ఇద్దరు సినిమా ప్రయత్నాలు చేస్తూ ఒకే గదిలో ఉండేవారు. త్రివిక్రమ్ ట్యూష‌న్లు క‌థ‌లు చెపుతూ రచయితగా ప్రయత్నాలు చేస్తుండేవారు. ఇక సునీల్ నటుడు అవ్వాలని ఇండస్ట్రీలోనూ ఆఫీసులో చుట్టూ తిరుగుతూ ఉండేవారు. అనుకున్నట్టుగానే త్రివిక్రమ్ శ్రీనివాస్ స్వయంవరం సినిమాతో మాటలు రచయితగా ఇంట్రీ ఇచ్చారు. అదే సినిమాలో సునీల్‌కి మంచి రోల్‌ రాశాడు త్రివిక్రమ్. రచయితగా ఇప్పటివరకు త్రివిక్రమ్ మళ్ళీ వెనక్కి తిరిగి చూడలేదు. అలాగే సునీల్ కూడా నటుడుగా మంచి లైఫ్ లీడ్‌ చేస్తున్నాడు. ఒక దశలో సునీల్ లేకుండా సినిమా ఉండేదే కాదు.
చిరంజీవి సైతం ప్రత్యేకంగా తన సినిమాలో సునీల్ పాత్ర ఉండాలని సలహా ఇచ్చారు అంటే.. సునీల్ డెడికేష‌న్ అప్పట్లో ఎలా ఉండేదో తెలుస్తోంది. సునీల్ కమెడియన్గా మంచి పాపులర్ అయ్యాక.. హీరోగా కూడా మంచి సక్సెస్ లు అందుకున్నాడు. ఆ సమయంలో త్రివిక్రమ్ బంతి అనే టైటిల్‌తో సునీల్‌ని పెట్టి హీరోగా సినిమా చేయాలని అనుకున్నాడు. సునీల్‌తో ఈ మాట ఎన్నోసార్లు చెప్పాడు. సునీల్ కి వరుసగా ప్లాపులు వచ్చి హీరోగా అవకాశాలు తగ్గిపోయిన టైంలో త్రివిక్రమ్ వరుసగా పెద్ద హీరోలతో సినిమాలు చేసుకుంటూ సునీల్‌కి ఇచ్చిన సినిమా చేయ లేకపోయాడు. అలా సునీల్ - త్రివిక్రమ్ కాంబినేషన్ బంతి సినిమా ఆగిపోయింది. అయితే తన సినిమాలో మాత్రం ఏదో ఒక పాత్ర రాస్తూ సునీల్ కి మళ్ళీ లైఫ్ ఇస్తున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి