ఈసారి టాలీవుడ్‌లో ద‌స‌రాకు వ‌చ్చిన సినిమాల్లో ఏది పై చేయి సాధించింది.. ఆ లెక్క‌లేంటో చూద్దాం. ఈ సారి దసరా సీజన్‌ను తమిళ సూపర్ స్టార్ రజినీకాంత్ స్టార్ట్ చేశాడు. ర‌జ‌నీ ‘వేట్టయన్’ చిత్రం భారీ క్యాస్టింగ్‌తో పాటు భారీ అంచనాలతో ప్రేక్ష‌కుల ముందుకు వ‌చ్చింది. అయితే ఈ సినిమా ఈ సినిమా రొటీన్ కమర్షియల్ సినిమాను తలపించడంతో అనుకున్న స్థాయిలో ప్రేక్షకులను ఇంప్రెస్ చేయలేదు. ఈ సినిమా వసూళ్ల రజినీ స్టామినాకు స‌రిపోలేదు. జైల‌ర్ మ్యాజిక్ రిపీట్ అవుతుంద‌ని ఆశించిన వారికి పూర్తి నిరాశే మిగిలింది. ఇక టాలీవుడ్ మ్యాచో స్టార్ గోపీచంద్ విశ్వం మంచి అంచనాలతో ప్రేక్ష‌కుల ముందుకు వ‌చ్చింది. ఒకప్పటి క్రేజీ డైరెక్టర్ శ్రీను వైట్ల మ్యాజిక్ రిపీట్ అవుతుంద‌న్న ఆశ‌ల‌తో దసరా బరిలో ఈ సినిమా రిలీజ్ అయ్యింది.


కథలో దమ్ములేకపోవడం.. శ్రీను వైట్ల మార్క్ వింటేజ్ కామెడీ రొటీన్‌గా అవ్వ‌డంతో విశ్వం బాక్సాఫీస్ ద‌గ్గ‌ర రొటీన్ ముద్ర వేయించుకుంది. ఇక సుధీర్ బాబు మా నాన్న సూపర్ హీరో సినిమా ఓ ఎమోషనల్ కథతో తెర‌కెక్కింది. ఇది ఓటీటీ టైప్ సినిమా అని.. ఈ సినిమాను థియేట‌ర్ల‌లో రిలీజ్ చేయ‌డం క‌రెక్ట్ కాద‌న్న అభిప్రాయం స‌ర్వ‌త్రా వ్య‌క్త‌మ‌వుతోంది. ఇక బాక్సాఫీస్ విజయం కోసం ఎదురుచూస్తున్న సుహాస్ ఈ సారి జనక అయితే గనక సినిమాతో ప్రేక్ష‌కుల ముందుకు వ‌చ్చాడు. ఈ సినిమాకు సరైన ప్రమోషన్స్ లేవు. ఇక సుహాస్ గత చిత్రం ‘గొర్రె పురాణం’ బాక్సాఫీస్ దగ్గర డిజాస్టర్‌గా నిలడంతో ఆ ప్రభావం కూడా ఈ సినిమా బాగా ప‌డింది.


ఇక బలగం లాంటి బ్లాక్‌బస్టర్ అందించిన దిల్ రాజు బ్యానర్ నుంచి వస్తున్న సినిమా అయినా, కథలో ఆకట్టుకునే అంశాలు లేక నిరాశపరిచింది. బాలీవుడ్ బ్యూటీ ఆలియా భట్ జిగ్రా - క‌న్నడ హీరో ధృవ సర్జా మార్టిన్ తెలుగులో పెద్దగా బజ్ లేకుండా దసరా బరిలోకి వచ్చాయి. ఇక ఎన్టీఆర్ దేవ‌ర మూడో వారంలో బాక్సాఫీస్ ద‌గ్గ‌ర స్ట‌డీగా ర‌న్ అవుతోంది. ఫైన‌ల్ గా చెప్పాలంటే దసరా బరిలో వచ్చిన సినిమాలు అన్నింటిలో గోపీచంద్ ఇమేజ్‌తో పాటు 30 ఇయర్స్ పృథ్వీ కామెడితో కాస్తోకూస్తో విశ్వం సినిమాకే యావ‌రేజ్ గా అయినా ప్రేక్ష‌కులు ఓట్లేశారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Dussehra movies

RAMAKRISHNA S.S.

15/10/2024 10:42 AM