అయితే ఇటీవల బన్నీపై సోషల్ మీడియాలో బాగా నెగిటివిటీ ఎక్కువగా జరుగుతుంది. దీనిపై బన్నీకు అత్యంత సన్నిహితుడు ఆయన నిర్మాత ఎస్కేఎన్‌ సంచలన వ్యాఖ్యలు చేశారు. బన్నీపై కొందరు కావాలనే టార్గెట్ చేస్తూ నెగిటివ్ స్ప్రెడ్ చేస్తున్నారని అన్నారు. ఓ సినిమా ఫంక్షన్లో ఆయన అల్లు అర్జున్ పై కొన్ని కామెంట్లు చేశారు. ఎలాంటి ప్ర‌మోషన్లు లేకుండా నార్త్ ఇండియాలో రిలీజ్ అయ్యి ఏకంగా రు. 100 కోట్లకు పైగా వసూళ్లు సాధించిందని తెలిపారు. ఈ సినిమాకు అక్కడ ఆ టైంలో అలాంటి రీచ్ వచ్చిందంటే ఏ స్థాయిలో ప్రేక్షకులను మెప్పించిందో అర్థం చేసుకోవచ్చన్నారు.
కలకత్తాలోని ఓ మావోయిస్ట్ ప్రాంతంలో సినిమాలు రిలీజ్ చేయ‌డం చాలా చాలా కష్టం.. కానీ, అక్కడ ‘పుష్ప’ మూవీ ఏకంగా 50 రోజులు రన్ అయ్యింది. ఇది అల్లు అర్జున్, పుష్ప కి ఉన్న రీచ్ అని ఆయన అన్నారు. ఇక తెలుగు సినిమా చరిత్రలో 70 ఏళ్లుగా ఎవరూ సాధించలేని జాతీయ ఉత్తమ నటుడి అవార్డును కేవలం అల్లు అర్జున్ మాత్రమే సాధించడం ఆయన సత్తాను తెలుపుతుందని ఎస్‌కెఎన్ బ‌న్నీకి తిరుగు లేకుండా ఇచ్చిన ఎలివేష‌న్లు ఇప్పుడు సోషల్ మీడియాలో వైరల్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి