ఇటీవల వచ్చిన మిస్టర్ బచ్చన్ సినిమా కూడా ఆశించిన స్థాయిలో ప్రేక్షకులను ఆకట్టుకోలేకపోయింది. హరీష్ శంకర్ దర్శకత్వంలో ఈ సినిమా డిజాస్టర్ అయ్యింది. ఇకపోతే రవితేజ కెరీర్లో ఎన్నో సూపర్ హిట్ సినిమాల్లో నటించారు. అలాగే వైవిధ్యమైన కథలను ఎంచుకుంటూ సినిమాలు చేసాడు. అలా రవితేజ నటించిన సినిమాల్లో "ఆంజనేయులు" సినిమా ఒకటి. ఈ సినిమాలో రవితేజ కామెడీ అదిరిపోతుంది. ఆంజనేయులు సినిమాకు పరశురామ్ దర్శకత్వం వహించగా, రవితేజకు జోడీగా నయనతార నటించింది. ఆంజనేయులు బాక్సాఫీస్ వద్ద మంచి విజయం సాధించింది. ప్రస్తుతం ఇక్కడ మీరు చూస్తున్న ఫోటో ఆ సినిమాకి సంబంధించినదే. ఈ సినిమాలో ప్రకాష్ రాజ్, సోనూ సూద్, బ్రహ్మానందం, మాళవిక కీలక పాత్రల్లో నటించగా, తమన్ ఇచ్చిన సంగీతానికి మూవీలో అన్ని పాటలు సూపర్ హిట్ అయ్యాయి.
ఇక అసలు విషయంలోకి వెళితే, పై ఫొటోలో ఉన్న కెమెరామెన్ ను గుర్తుపట్టారా? అవును, మీరు అనుకుంటున్నది నిజమే. అతను టాలీవుడ్ స్టార్ హీరో విజయ్ దేవరకొండ. హీరోగా ఎంట్రీ ఇవ్వకముందు విజయ్ చాలా సినిమాల్లో చిన్న చిన్న పాత్రలు చేశాడు. అదే విధంగా డైరెక్షన్ డిపార్టుమెంటులో కూడా చేసిన అనుభవం మనోడికి ఉంది. లైఫ్ ఈజ్ బ్యూటీఫుల్, నువ్విలా సినిమాల్లో చిన్న పాత్రల్లో నటించాడు విజయ్.. ఇక పెళ్లి చూపులు సినిమాతో హీరోగా మారిన ఈ కుర్ర హీరో విజయ్ దేవరకొండ సందీప్ రెడ్డి వంగా దర్శకత్వం వహించిన 'అర్జున్ రెడ్డి'తో ఏకంగా సూపర్ స్టార్ ఐన సంగతి విదితమే!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి