- అదిరిపోయిన రామ్ చరణ్ ఎన్టీఆర్ కాంబో..
-మరోసారి రిపీట్ అవుతుందా..
ఈ మధ్యకాలంలో మల్టీ స్టారర్ సినిమాలు అనేకం వస్తున్నాయి. ఒకప్పుడు ఎన్టీఆర్, ఏఎన్ఆర్ కాలంలో తరచూ మల్టీ స్టారర్ సినిమాలు వచ్చేవి. ఆ తర్వాత చిరంజీవి, బాలకృష్ణ,నాగార్జున టర్ములో కాస్త మల్టీ స్టారర్ సినిమాలకు బ్రేక్ పడింది. కానీ ఈ మధ్య కాలంలో మాత్రం స్టార్ హీరోలు కలిసి ఒకే సినిమాలో నటించిన సినిమాలు వస్తున్నాయి. మల్టీ స్టారర్ లుగా వచ్చి అద్భుతమైన హిట్స్ సాధించిన హీరోలలో ముందుగా చెప్పుకోవాల్సింది జూనియర్ ఎన్టీఆర్ రామ్ చరణ్ అని చెప్పవచ్చు. ఈ ఇద్దరు ఆర్ఆర్ఆర్ సినిమాలో రామ్,భీమ్ గా నటించి అందరి మన్ననలు పొందారు. అంతేకాదు పాన్ ఇండియా స్థాయిలో సూపర్ హిట్ అందుకొని గ్లోబల్ స్టార్లుగా మారారు... అలాంటి వీరిద్దరి కాంబోలో వచ్చిన మల్టీ స్టారర్ మూవీ గురించి కొన్ని విషయాలు తెలుసుకుందాం..
రాజమౌళి డైరెక్షన్లో త్రిబుల్ ఆర్ సినిమా తెరకెక్కిన విషయం మనందరికీ తెలిసిందే. ఈ చిత్రంలో కొమరం భీం పాత్రలో జూనియర్ ఎన్టీఆర్ నటనతో అదరగొట్టారు. రామ్ చరణ్ అల్లూరి సీతారామరాజు గా కనిపించారు. సుమారు 450 కోట్ల బడ్జెట్ తో వచ్చినటువంటి ఈ చిత్రం అద్భుతమైన హిట్ సాధించింది. అయితే ఇందులో చరణ్ సరసన బాలీవుడ్ బ్యూటీ ఆలియా భట్ టాలీవుడ్ లోకి ఎంట్రీ ఇచ్చింది. ఇక ఈ సినిమాలో నటనే కాకుండా వారి డాన్స్ తో ఈ ఇద్దరు హీరోలు అందరిని మెస్మరైజ్ చేశారు. సినిమా మొత్తం ఒకెత్తయితే నాటు నాటు పాట మరో ఎత్తు అని చెప్పవచ్చు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి