నందమూరి కుటుంబంలో నటరత్న ఎన్టీఆర్ వారసత్వాన్ని కంటిన్యూ చేస్తూ  టాలీవుడ్ లో కొనసాగుతున్నారు బాలయ్య. తండ్రి ఎన్టీఆర్ లానే విభిన్న సినిమాలు చేస్తూ తన అభిరుచిని చాటుకుంటున్నారు. ఇక బాలయ్య తర్వాత మూడోతరం హీరోగా యంగ్ టైగర్ ఎన్టీఆర్ టాప్ ప్లేస్ లో ఉన్నారు. నటరత్న ఎన్టీఆర్ రూపంతో పాటు నటని కూడా పుణికిపుచ్చుకున్న తారక్.. ప్రస్తుతం ఇండియాలోనే టాప్ స్టార్‌లో ఒకరిగా క్రేజ్‌ తెచ్చుకున్నారు. అయితే నందమూరి కుటుంబంలో తనకు బాలయ్య బాబాయి అంటే ఎంతో ఇష్టమని ఎన్టీఆర్ చాలా సందర్భాల్లో చెప్పుకొచ్చారు. ఇక బాలయ్య కూడా ఎన్టీఆర్ ని చాలా సందర్భాల్లో దగ్గరికి తీసుకున్నారు. అయినా కానీ వారి మధ్య గ్యాప్ ఉందన్న వార్తలు ఆగటం లేదు. అందుకు కారణాలు కూడా లేకపోలేదు.


ఉదాహరణకు ఈ సంవత్సరం జనవరిలో నటరత్న ఎన్టీఆర్ వర్ధంతి సందర్భంగా హైదరాబాదులోని ఎన్టీఆర్ ఘాట్ వద్ద కళ్యాణ్ రామ్ , ఎన్టీఆర్ నివాళులర్పించారు.. తెల్లవారుజామునే అక్కడికి చేరుకొని అంజలి ఘటించారు ఆ తర్వాత బాలకృష్ణ , రామకృష్ణ తదితరులు వచ్చి నివాళులర్పించారు. అయితే ఆ ఘాట్‌ వద్ద సీనియర్ ఎన్టీఆర్ , జూనియర్ ఎన్టీఆర్ తో పాటు హరికృష్ణ , కళ్యాణ్ రామ్ ఫొటోలతో కూడిన ఫ్లెక్సీలు అన్ని జూ. ఎన్టీఆర్ అభిమానులు ఏర్పాటు చేశారు. అయితే బాలకృష్ణ కారెక్కి అలా వెళ్లారో లేదో కొంతమంది జూనియర్ ఎన్టీఆర్ ఫ్లెక్సీలను అక్కడి నుంచి తొలగించారు. బాలకృష్ణ - ఎన్టీఆర్ మధ్య కోల్డ్ వార్‌ నడుస్తుందని బాలయ్య చెబితేనే ఆ ఫ్లెక్సీలు తొలగించారనే ప్రచారం కూడా జరిగింది.


అయితే బాలయ్యతో గ్యాప్ గురించి  ఎన్టీఆర్  గతంలో నాన్నకు ప్రేమతో సినిమా ప్రమోషన్స్ సమయంలో జగపతిబాబు వివరించారు. బాలయ్యది మీది  ఏంటి ఇష్యూ అని జగపతిబాబు తారక్‌ని ప్రశ్నించారట. “నాకేంటి అండీ ఆయనతో ప్రాబ్లమ్. నాకు ఏ సమస్యా లేదు. అసలు ప్రాబ్లం ఏంటి అనేది నాకు తెలీదు. మా నాన్నగారి బ్రదర్ ఆయన. నాకు తండ్రి లాంటి వారు. ఆయనతో నాకేం గొడవ ఉంటుంది. నేనెందుకు మనసులో పెట్టుకుంటాను. నేను ఏ విషయంలోనైనా ఓపెన్‌గానే ఉంటాను” అని జూనియర్ ఎన్టీఆర్ సమాధానమిచ్చారట. ఆ వీడియో ఇప్పుడు మరోసారి వైరల్ అవుతోంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Balayya

Amruth kumar

17/10/2024 04:38 PM