ఒకవేళ రాబోయే రోజుల్లో తాను సినిమాలు తెరకెక్కిస్తే మాత్రం ఎటువంటి ఎండింగ్ కచ్చితంగా పెట్టకూడదని రాజమౌళి ఓ డెసిషన్ కి వచ్చారట. జక్కన్న చిన్నతనం నుంచి యాక్షన్ సినిమాలు చూస్తూ వాటిని బాగా ఇష్టపడే వారట. ఆయన కుటుంబంలో 13 మంది కజిన్స్ ఉండేవారు అందరిలో పెద్దవాళ్లు నెలకి 2 రెండు సినిమాలు, చిన్న వాళ్లు మాత్రం నెలకి ఒక సినిమా చూడాలని ఇంట్లో రూల్ ఉండేదట. ఆ రోజుల్లో వాళ్ల ఊర్లో రెండే థియేటర్లు ఉండేవట అందులో ఒక థియేటర్లో ఎన్టీఆర్ అగ్గిపిడుగు ఇంకో థియేటర్లో మంచి చెడు అనే సినిమాలు రిలీజ్ అయ్యాయి.
అగ్గిపిడుగు సినిమా చూసిన పెద్ద వాళ్ళందరూ సినిమాలో కత్తి ఫైట్లు యాక్షన్ సన్నివేశాలు బాగున్నాయని చెప్పారట. ఇక రాజమౌళి ఎలా అయినా ఆ సినిమా చూడాలని అనుకున్నారట. అగ్గిపిడుగు సినిమాకి వెళ్దామని అనుకుంటే మంచి చెడు సినిమాలో కూడా మంచి ఫైట్లు ఉన్నాయని అబద్ధం చెప్పి ఆ సినిమాకు తీసుకు వెళ్ళారట.యాక్షన్ సీన్స్ లేకపోవడంతో రాజమౌళి నిరాశ చెందారట. ఆఖరికి హీరో చనిపోవడం ఆ ట్రాజడీ ఎండింగ్ చూసి రాజమౌళికి కోపం వచ్చింది. అప్పటికే చిరాకుతో ఉన్న రాజమౌళి ఎన్టీఆర్ చనిపోవడం చూసి భవిష్యత్తులో కనుక సినిమాలు తీశానంటే ఇటువంటి క్లైమాక్స్ పెట్టకూడదని ఫిక్స్ అయిపోయారట.. ఈ విషయాన్ని రాజమౌళి స్వయంగా ఒక ఇంటర్వ్యూలో చెప్పారు. అలా ఎన్టీఆర్ సినిమా చూసి జీవితంలో ఈ విధంగా సినిమా చేయకూడదని రాజమౌళి ఫిక్స్ అయిపోయారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి