ఈ నేపథ్యంలోనే బాలీవుడ్ అగ్ర నటుడు అల్లు అర్జున్ గురించి చేసిన వ్యాఖ్యలు చాలా హాట్ టాపిక్ గా మారాయి. ఎలాంటి అంచనాలు లేని పుష్ప సినిమా బాలీవుడ్ లో 100 కోట్లు కలెక్ట్ చేసి, అక్కడ హీరోలను సైతం ఆశ్చర్యపోయేలా చేసిందని తాజాగా ఓ మీడియా వేదికలో అజయ్ దేవగన్ చెప్పుకొచ్చారు. అంతేకాకుండా పుష్ప సినిమాలోని అల్లు అర్జున్ చేసిన యాక్టింగ్ ను చూసి చాలామంది అసూయ కూడా పడినట్టు చెప్పుకొచ్చాడు. ప్రస్తుతం ఈ వ్యాఖ్యలను అల్లు వారి అభిమానులు సోషల్ మీడియాలో షేర్ చేస్తూ.... తమ హీరో అల్లు అర్జున్ ని ఆకాశానికి ఎత్తేస్తున్నారు. మా హీరో కి సాటి ఎవరంటూ గొప్పలు పోతున్నారు.
నిజమే, సుకుమార్ దర్శకత్వంలోని తెరకెక్కిన పుష్ప సినిమాలో అల్లు అర్జున్ నటన అనిర్వచనీయమైనది. సినిమా కలెక్షన్ లో ఎలా ఉన్నా ఈ సినిమా క్రిటిక్స్ ని సైతం మెప్పించిన మాట వాస్తవమే. దాంతో ఈ సినిమా తెలుగు రాష్ట్రాలలోనే కాకుండా విడుదలైన అన్ని భాషల్లో కూడా ఒక రేంజ్ కలెక్షన్స్ రాబట్టింది. దాంతో పుష్ప సినిమాకి కొనసాగింపుగా వస్తున్న సినిమా పుష్ప 2 పైన కూడా భారీ అంచనాలే నెలకొన్నాయి. ఇప్పటికే ఈ సినిమా 1000కోట్ల ఫ్రీ రిలీజ్ బిజినెస్ సొంతం చేసుకుందని గుసగుసలు వినబడుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి