ఇండియన్ సినిమాలో చరిత్రలోనే ఇప్పటి వరకు ఎస్.ఎస్ రాజమౌళి రికార్డులకు దగ్గరగా వెళ్లిన వారు లేరు. బాక్సాఫీస్ వద్ద నాన్ - ఎస్ఎస్ఆర్ రికార్డులు పెడుతున్నారు తప్పితే, జక్కన్న రికార్డులను క్రాస్ చెయ్యాలనే సాహసం ఎవరూ చేయలేకపోతున్నారు అనడంలో ఆటోసయోక్తి లేదు. ఎందుకంటే, ఆయన నెలకొల్పిన బెంచ్ మార్క్ అలాంటిది. సరిగ్గా ఏడేళ్ల క్రితం 'బాహుబలి 2'తో క్రియేట్ చేసిన హయ్యెస్ట్ కలెక్షన్స్ రికార్డ్ ఇప్పటికీ చెక్కు చెదరకుండా అలానే ఉంది. అదేవిధంగా rrr చిత్రంతో వెయ్యి కోట్లకు పైగా వసూళ్లు కొల్లగొట్టి మరోసారి బాక్సాఫీస్ ను షేక్ చేసారు. అయితే ఇప్పుడు ఆ రికార్డ్స్ కి ముప్పు వాటిల్లనుందనే వార్తలు వస్తున్నాయి.
ఈ క్రమంలోనే అల్లు అర్జున్ ఏకంగా రాజమౌళినే టార్గెట్ చేశాడా? అనే మాటలు వినబడుతున్నాయి. అవును, 'పుష్ప 2' ప్రీ రిలీజ్ బిజినెస్ 1000 కోట్లకు పైగా జరిగిందనే వార్తలు రావడంతో, అభిమానులు రాజమౌళి సినిమాలతో కంపేర్ చేస్తూ పోస్టులు పెడుతున్నారు. బన్నీ మూవీ ప్రీరిలీజ్ బిజినెస్.. రాజమౌళి థియేట్రికల్ వాల్యుయేషన్ కంటే ఎక్కువ ఉందని అల్లు ఫాన్స్ కాలర్ ఎగరేస్తున్నారు. ఎస్ఎస్ రాజమౌళి దర్శకత్వంలో తెరకెక్కిన చిత్రం 'ఆర్ఆర్ఆర్' సినిమా థియేట్రికల్ రైట్స్ రూ. 480 కోట్ల వరకూ అమ్ముడయ్యాయి. డిజిటల్, శాటిలైట్, ఆడియో వంటి నాన్ థియేట్రికల్ రైట్స్ తో కలిసి దాదాపు రూ. 900 కోట్ల ప్రీ రిలీజ్ బిజినెస్ చేసినట్లు తెలుస్తోంది. ప్రస్తుతం సోషల్ మీడియాలో వస్తున్న లెక్కల ప్రకారం, రూ.1065 కోట్లతో 'పుష్ప 2' ప్రీరిలీజ్ బిజినెస్ rrr గణాంకాలను క్రాస్ చేసినట్టుగా తెలుస్తోంది. ఈ నేపథ్యంలోనే రాజమౌళి రికార్డులను అల్లు అర్జున్ అధిగమించారని ఫాన్స్ పండగ చేసుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి