ఇది బాలయ్య కెరీర్లో 109వ సినిమా. సితారా ఎంటర్టైన్మెంట్ సంస్థ ఈ సినిమాను నిర్మిస్తుంది. ఈ సినిమాలో ముందుగా దర్శకుడు బాబి ఓ సర్ప్రైజింగ్ గెస్ట్ రోల్ రాసుకున్నారట. దానిని విశ్వ‌క్‌తో చేయించాలని ప్లాన్ చేసుకున్నారు. ఇక విశ్వక్ కూడా బాలయ్యతో కలిసి నటించడానికి ఆసక్తి ఉండడంతో వెంటనే ఓకే చెప్పేశారు. అయితే రాను.. రాను.. బాబి ఆలోచన మారిపోయిందని తెలుస్తోంది. ఆ పాత్రకు ఓ కొత్తలుక్‌ ఇవ్వడంతో ఇక విశ్వక్సేన్ అవసరం లేకుండా పోయిందట. ఈ ఎపిసోడ్ కూడా ఒకటి ట్విస్ట్ రూపంలో ఉంటుందని టాక్. బాబి కథ రాసుకున్నప్పుడు.. రాసుకున్నట్టు తీస్తే ఈ సినిమాలో విశ్వక్ కూడా కచ్చితంగా ఉండేవాడే.
చివరకు కథలో మార్పుల వల్ల విశ్వక్‌కు ఈ అవకాశం చేజారింది. అయితే బాలయ్య ప్రోత్సాహం విశ్వక్సేన్ ఉత్సాహం చూస్తుంటే.. త్వరలో అయిన వీరిద్దరూ కలిసి మరో సినిమాలో నటించే అవకాశం కనిపిస్తోంది. ఇక సంక్రాంతికి బాలయ్య బాబు సినిమా రిలీజ్ కానున్న సంగతి తెలిసిందే. జనవరి 12న ఈ సినిమాను ప్రేక్షకుల ముందుకు తీసుకువచ్చేందుకు సన్నాహాలు జరుగుతున్నాయి. ఈ దీపావళికి టైటిల్‌తో పాటు.. రిలీజ్ డేట్ కూడా ఖరారు చేస్తారు. డాకు మహారాజ్ అనే టైటిల్ ఈ సినిమాకు ఖరారు చేసే ఆలోచనలో మేకర్స్ ఉన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి