అవును, లవ్ రెడ్డి చిత్ర పతాక సన్నివేశాలు చూసి భావోద్వేగానికి గురైన ఆ మహిళ, అందమైన ప్రేమ జంటను విడదీస్తావా? నీకు మనసులేదా? అంటూ కోపంతో ఊగిపోతూ, ప్రతినాయకుడి పాత్రని పోషించిన రామస్వామి కాలర్ పట్టుకొని దుర్భాషలాడింది. అనూహ్యంగా జరిగిన ఈ దాడితో చిత్ర బృందం అంతా అవాక్కయ్యారు. అంతా అలా ఆశ్చర్యపోతుండగానే ఆమె అతనిపైన చేయి చేసుకుంది. ఆ వెంటనే హీరో అంజన్, హీరోయిన్ శ్రావణి, దర్శకుడు స్మరణ్ రెడ్డి ఆ మహిళను అడ్డుకొని నచ్చజెప్పే ప్రయత్నం చేశారు.
అయినా సరే, ఆ మహిళ రామస్వామిపై మరలా దాడికి దిగే ప్రయత్నం చేసింది. ఆ మహిళ వెంట వచ్చిన వారు, ఇతర ప్రేక్షకులు ఆమెకు సర్దిచెప్పడంతో శాంతించింది. దాంతో చిత్ర బృందం ఊపిరి పీల్చుకుంది. ఈనెల 18న విడుదలైన లవ్ రెడ్డి చిత్రంలో అంజన్ రామచంద్ర, శ్రావణి జంటగా నటించిన సంగతి మీకు తెలిసిందే. అయితే ఆ ఘటనపై మొదట చిత్ర యూనిట్ బాధపడినప్పటికీ ఆ తరువాత సినిమా ఎమోషన్ బాగా పండబట్టే ఆమెలా రియాక్ట్ అయ్యిందని, నటుడు రామస్వామి బాగా నటించాడు అని ఆనందపడింది. అయితే సదరు దృశ్యాలను చూసిన సోషల్ మీడియా జనాలు మాత్రం అదంతా బూటకం అని, సినిమా ప్రమోషన్ కోసమే అలా చేసారని కామెంట్స్ చేస్తున్నారు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి