ఈ సినిమాలో ప్రభాస్ సరసన హీరోయిన్లుగా ఇద్దరు నటిస్తున్నారు. మాలీవుడ్ బ్యూటీ మాళవిక మోహనన్ తో పాటు నిధి అగర్వాల్ చేస్తున్నారు. ఈ సినిమా గురించి తెలిసిన వెంటనే ప్రతి ఒక్క ప్రభాస్ అభిమాని మారుతీతో సినిమా చేయడమేంటి ప్రభాస్ అని షాక్ అయ్యారు. దానికి గల కారణం బాహుబలి సినిమా అనంతరం ప్రభాస్ చేసిన సినిమాలన్నీ పాన్ ఇండియా సినిమాలు. అలాంటి ప్రభాస్ చిన్న డైరెక్టర్ మారుతీతో సినిమా చేయడం ఏంటని అందరూ ప్రశ్నించారు.
కానీ మారుతీపై నమ్మకంతో ప్రభాస్ ఈ సినిమా చేస్తున్నారు. ఇందులో ప్రభాస్ పాత్రలు రెండే అయినప్పటికీ మూడు రూపాల్లో కనిపించనున్నాడు. ది రాజా సాబ్ సినిమాలో ప్రభాస్ వృద్ధుడిగా ఓ పాత్రను చేయనున్నారట. దీనికి సంబంధించి ఓ పోస్టర్ కూడా విడుదల చేశారు. అంతేకాకుండా అతడి మనవడి పాత్రలో కూడా ప్రభాస్ చేయనున్నాడట. ఈ రెండు మాత్రమే కాకుండా ఆత్మగా ప్రభాస్ మరో పాత్రను కూడా చేస్తున్నాడని ఓ వార్త బయటకు వచ్చింది.
అంటే ఈ సినిమాలో ప్రభాస్ మూడు భిన్నమైన గెటప్ లతో ప్రేక్షకుల ముందుకు రానున్నాడు. ఈ సినిమా మాత్రమే కాకుండా ప్రభాస్ చేతిలో మరో రెండు సినిమాలు ఉన్నట్లుగా టాక్ వినిపిస్తోంది. ఇంకా ఇందులో ఏ సినిమా విజయం సాధిస్తుందో చూడాలి. మారుతి చేసేవి చిన్న సినిమాలు అయినప్పటికీ మంచి కంటెంట్ ఉంటుంది. ఆ నమ్మకంతోనే ప్రభాస్ మారుతీతో సినిమా చేస్తున్నాడు. కనుక ఈ సినిమా బంపర్ హిట్ అవ్వాలని ప్రభాస్ అభిమానులు కోరుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి