తమిళ ఫిలిమ్ ఇండస్ట్రీలో ఒక కీలక మార్పు చోటు చేసుకోపోతోంది. హీరో విజయ్ అతి త్వరలో పూర్తిగా రాజకీయాల వైపు వెళుతూ నిర్ణయం తీసుకోవడం మరొక టాప్ హీరో అజిత్ రెండు సంవత్సరాల పాటు సినిమాకు దూరంగా ఉంటాను అంటూ ప్రకటించిన నేపధ్యంలో తమిళ ఫిలిమ్ ఇండస్ట్రీ టాప్ హీరో రేస్ లో ధనుష్ సూర్యా లు మాత్రమే మిగిలి ఉంటారు.



ఇది ఇలాండగా తమిళ దర్శకుడు నెల్సన్ రజనీకాంత్ ల కాంబినేషన్ లో వచ్చిన ‘జైలర్’ మూవీకి సీక్వెల్ తీయాలని ఒక పవర్ ఫుల్ కథను ఎంచుకున్నట్లు వార్తలు వస్తున్నాయి. అయితే ప్రస్తుతం రజనీకాంత్ తన అనారోగ్యం నుండి కోలుకుని ‘కూలీ’ షూటింగ్ లో వచ్చేనెల నుండి పాల్గొనబోతున్నాడు. డాక్టర్ల సలహా మేరకు సినిమాలు చేస్తూనే మరొకవైపు తన ఆరోగ్యం పట్ల కూడ రజనీకాంత్ శ్రద్ద వహిస్తున్నాడు.



ఇలాంటి పరిస్థితుల మధ్య నెల్సన్ రజనీకాంత్ ను కలవడం అతడికి ‘జైలర్ 2’ కథను వినిపించడం జరిగింది అంటున్నారు. ‘జైలర్’ మూవీలో రజనీకాంత్ తన సొంత కొడుకు అన్యాయాలు చేస్తున్నాడని చంపేస్తాడు. ఇప్పుడు ‘జైలర్ 2’ లో పిల్లలు లేక ఏకాంతంగా బాధతో ఉన్న రజనీ వద్దకు ఒక యువకుడు రావడం అతడు రజనీకాంత్ తో కలిసి ఏమి చేశాడు అన్న పాయింట్ చుట్టూ ‘జైలర్ 2’ కథను నెల్సన్ అల్లినట్లు సమాచారం.



అయితే ఆ యువకుడి పాత్రకు తమిళ హీరో ధనుష్ అన్నివిధాల సరిపోతాడని భావించినప్పటికీ ధనుష్ రజనీకాంత్ కూతురు ఐశ్వర్య తో విడాకులు తీసుకున్న నేపధ్యంలో రజనీకాంత్ ధనుష్ తో కలిసి నటించడానికి ఒప్పుకుంటాడా అన్న భావనతో నెల్సన్ ఉన్నట్లు సమాచారం. అయితే ఈవిషయాన్ని గ్రహించిన రజనీకాంత్ మాత్రం తనకు  ధనుష్ తో నటించే  విషయం లో  ఎటువంటి  అభ్యంతరం  లేదని  చెప్పడంతో ఇప్పడు జైలర్2 షూటింగ్ త్వరలో ప్రారంభం  అయ్యే ఆస్కారం ఉంది  అంటూ మీడియా లో వార్తలు  వస్తున్నాయి..  
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RAJANIKANTH

Seetha Sailaja

26/10/2024 08:24 AM