అయితే, తమిళంలో మాత్రం సోలో రిలీజ్ కి అవకాశం చిక్కింది కానీ, ఈ సినిమాకు తెలుగులో మాత్రం సోలో రిలీజ్ దక్కక పోవడం కొసమెరుపు. విషయం ఏమిటంటే, టాలీవుడ్లో కంగువ రిలీజ్ రోజున మెగా ప్రిన్స్ నటించిన మట్కా కూడా ఈ నవంబరు 14న రిలీజ్ చేస్తున్నట్టు ఇప్పటికే మేకర్స్ ప్రకటించారు. వైరా ఫిల్మ్స్ వైర ఎంటర్టైన్మెంట్స్, SRT ఎంటర్టైన్మెంట్స్ ఈ సినిమాను కలిపి నిర్మించడం జరిగింది. మెగా ప్రిన్స్ వరుణ్ తేజ్ తన కెరీర్లోనే అత్యంత భారీ బడ్జెట్ చిత్రం ‘మట్కా’తో పాన్ ఇండియా మార్కెట్ లోకి అడుగుపెట్టబోతున్నాడు. కాగా ఈ సినిమకి కరుణ కుమార్ దర్శకత్వం వహించారు.
ఆ సినిమా మాత్రమే కాకుండా, మరో యంగ్ హీరో, టాలీవుడ్ సూపర్ స్టార్ మహేశ్ బాబు మేనల్లుడు 'గల్లా అశోక్' నటించిన ‘దేవకి నందన వాసుదేవ’ సినిమా కూడా నవంబరు 14న రిలీజ్ చేయబోతున్నట్టు ఇప్పటికే అధికారకంగా ప్రకటించడం జరిగింది. ఈ సినిమాకు బ్లాక్ బస్టర్ సినిమా హనుమాన్ సినిమా డైరెక్టర్ ప్రశాంత్ వర్మ కథ అందించడంతో సినిమాపైన అంచనాలు మెండుగా ఉన్నట్టు కనబడుతోంది. దాంతో ఈ రెండు సినిమాలు నుండి సూర్య సినిమా పోటీ ఎదుర్కోక తప్పదన్నట్టు కనబడుతోంది. కాగా ఈ రెండు సినిమాలపై కూడా అంచనాలు భారీగా ఉన్నాయి. మరోవైపు సూర్య నటించిన కంగువ సినిమాపైన కూడా భారీ అంచనాలు ఉన్నాయి. మరి ఈ పోటీలో విజయం ఎవరిని వరిస్తుందో చూడాలి మరి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి