నందమూరి బాలకృష్ణ గురించి జనాలకు చెప్పేదేముంది. బాలయ్య పేరు వింటేనే ఇక్కడ ఓ వర్గం పండగ చేసుకుంటుంది. అలాంటి బాలయ్య హోస్ట్ చేస్తున్న అన్ స్టాపబుల్ షో గురించి ప్రత్యేకించి చెప్పాలా? ఇప్పటికే 3 సక్సెస్ ఫుల్ సీజన్లు పూర్తి చేసుకున్న ఈ షో, తాజాగా నాలుగో సీజన్ ని విజయవంతంగా మొదలు పెట్టింది. బాలయ్య కేవలం సినిమాలతోనే కాకుండా ఆహా అన్ స్టాపబుల్ షోతో కూడా తెలుగు ప్రేక్షకులను ఎంతగానో అలరిస్తున్న సంగతి విదితమే.
ఇకపోతే, అన్ స్టాపబుల్ సీజన్ 4లో మొదటి ఎపిసోడ్ ప్రారంభంలోనే ఏపీ సీఎం చంద్రబాబు నాయుడు పాలుపంచుకోవడం జరిగింది. ఇక ఇప్పుడు సెకండ్ ఎపిసోడ్ కి ఎవరు వస్తారా? అని ఆడియన్స్ అంతా చాలా ఉత్కంఠగా ఎదురు చూస్తున్నారు. ఐతే విశ్వసనీయ వర్గాల సమాచారం ప్రకారం, అన్ స్టాపబుల్ సీజన్ 4 లో దుల్కర్ సల్మాన్, మీనాక్షి చౌదరి పాల్గొన్నట్టు గుసగుసలు వినబడుతున్నాయి. లక్కీ భాస్కర్ సినిమా ప్రమోషన్స్ లో భాగంగా అన్ స్టాపబుల్ షోకి వచ్చినట్టు సమాచారం. దీనికి సంబంధించిన షూటింగ్ కూడా పూర్తైనట్టు భోగట్టా. ఇకపోతే ఈ మధ్య అన్ స్టాపబుల్ షో సినిమా ప్రమోషన్స్ కి మంచి వేదికగా మారింది. బాలకృష్ణ తన మార్క్ హోస్టింగ్ తో ఇంప్రెస్ చేస్తుండగా ఫ్యాన్స్ తో పాటు ఆడియన్స్ కు అన్ స్టాపబుల్ సూపర్ జోష్ అందిస్తుంది.
అందుకే ఈ టాక్ షో అన్నిటిలో కల్లా రికార్డ్ వ్యూస్ తో దూసుకుపోతోందని నిర్వాహకులు అంటున్నారు. కాబట్టి సెలిబ్రిటీల పట్ల ఇపుడు అన్ స్టాపబుల్ షో అదృష్టంగా మారిందన్నమాట. దుల్కర్ సల్మాన్ లక్కీ భాస్కర్ టీంతో కలిసి నెక్స్ట్ ఎపిసోడ్ సూపర్ ఎంటర్టైనింగ్ గా ఉండబోతుందని తెలిసిపోతోంది. దీపావళి కానుకగా ఆదివారం నాటి బిగ్ బాస్ ఎపిసోడ్ లో ఆల్రెడీ లక్కీ భాస్కర్ టీం అటెండ్ అవ్వగా, ఇప్పుడు అన్ స్టాపబుల్ షో లో కూడా సందడి చేయనుండడం విశేషం. వెంకీ అట్లూరి డైరెక్ట్ చేసిన లక్కీ భాస్కర్ సినిమాలో దుల్కర్ సల్మాన్ కి జోడీగా మీనాక్షి చౌదరి నటించింది. ఈ సినిమాను దీపావళి కానుకగా అక్టోబర్ 31న రిలీజ్ అవుతుంది. ఈ సినిమా రిలీజ్ కు ముందే అన్ స్టాపబుల్ షో టెలికాస్ట్ అయ్యే ఛాన్స్ ఉంటుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి