- ( టాలీవుడ్ - ఇండియా హెరాల్డ్ ) . .
టాలీవుడ్ లో ప్రస్తుతం తెరకెక్కుతున్న పాన్ ఇండియా సినిమాలలో దాదాపు అన్ని సినిమాలపై భారీ అంచనాలు ఉన్నాయి. ఈ క్రమంలోనే టాలీవుడ్ సీనియర్ హీరో కలెక్షన్ కింగ్ మోహన్ బాబు పెద్ద కుమారుడు మంచు విష్ణు నటిస్తూ నిర్మిస్తున్న భారీ ప్రెస్టేజియస్ సినిమా కన్నప్ప. భక్త కన్నప్ప జీవిత చరిత్ర ఆధారంగా కన్నప్ప సినిమా తెరకెక్కుతోంది. ఈ సినిమాలో మంచి విష్ణు హీరోగా నటిస్తుండగా పలువురు భారీ పాన్ ఇండియా స్టార్లు కూడా ఈ సినిమాలో కీలక పాత్రలలో కనిపిస్తున్నారు. ప్ర‌ముఖ బాలీవుడ్ దర్శకుడు ముఖేష్ కుమార్ సింగ్ ఈ సినిమాను డైరెక్టర్ చేస్తుండగా విష్ణు భారీ బడ్జెట్ తో కన్నప్పను నిర్మిస్తున్నారు. అయితే ఇప్పుడు కన్నప్ప రిలీజ్ డేట్ విషయంలో విష్ణు వెనక ముందు ఆలోచన చేస్తున్నట్టు తెలుస్తుంది. ముందుగా ఈ సినిమాను డిసెంబర్ నెలలో రిలీజ్ చేస్తామని మంచు విష్ణు వెల్లడించారు. దానికి అనుగుణంగానే ప్రతి సోమవారం ఈ సినిమా నుంచి ప్రమోషన్లు చేస్తూ వచ్చారు.
అయితే గత నెల రోజులుగా ఈ సినిమా నుంచి ఎలాంటి ప్రమోషనల్ కంటెంట్ బ‌య‌ట‌కు రావటం లేదు. దీంతో డిసెంబర్ లో కన్నప్ప సినిమాను రిలీజ్ చేసే విషయంలో ఆలోచనలో పడినట్టు తెలుస్తోంది. మంచు ఫ్యామిలీకి ఇది చాలా ప్రతిష్టాత్మకమైన సినిమా. ఈ సినిమాను ఎలాగైనా బ్లాక్ బస్టర్ అయ్యేలా చేయాలని విశ్వ ప్రయత్నాలు చేస్తున్నారు. డిసెంబర్లో పెద్ద సినిమాలు రిలీజ్ అవుతున్నాయి .. సంక్రాంతికి కూడా క్రేజీ ప్రాజెక్టులు లైన్లో ఉన్నాయి .. అందుకే ఇప్పుడున్న పరిస్థితులలో ఈ సినిమాను రిలీజ్ చేయటం రిస్క్ అవుతుందని మంచు విష్ణు వెనకడుగు వేస్తున్నట్టు తెలుస్తోంది. మరి కన్నప్ప ఎప్పటికి రిలీజ్ చేస్తారో ఏమోటో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి