దీంతో ప్రేక్షకులు అందరినీ కూడా కొత్త జోనర్లతో సర్ప్రైజ్ చేసేందుకు హీరోలు అందరూ తెగ కష్టపడి పోతున్నారు. పాత్రకు తగ్గట్లుగా తమను తాము మార్చుకోవడానికి ఎంతటి రిస్క్ చేయడానికి అయినా సిద్ధమైపోతున్నారు. ఇక ఈ మధ్యకాలంలో ఎంతో మంది హీరోలు పాత్రకు తగ్గట్లుగా ఒక్కసారిగా బరువు పెరిగిపోవడం లేదంటే తగ్గడం లాంటివి కూడా చూస్తున్నాం. కొంతమంది ఏకంగా జిమ్ లో కసరత్తులు చేస్తూ సిక్స్ ప్యాక్ లు కూడా చేస్తూ ఉన్నారు. అయితే ఇలాంటివి ఇప్పటివరకు ఎంతోమంది హీరోలు చేశారు. కానీ ఒక ట్రాన్స్ జెండర్ పాత్రలో ఒక హీరో నటించడం అంటే అది ఎంత సాహసమో ప్రత్యేకంగా చెప్పాల్సిన పని లేదు.
ఇప్పుడు ఇలాంటి ఒక సాహసమే చేసి అభిమానులను సైతం సర్ప్రైజ్ కి గురి చేశాడు ఒక హీరో. టాలీవుడ్ లో అతనికి టాలెంటెడ్ హీరోగా పేరుంది. అయితే ఇటీవలే రిలీజ్ అయిన ఒక సూపర్ హిట్ మూవీలో అతను ట్రాన్స్ జెండర్ పాత్రలో నటించాడు. ఆయన ఎవరో కాదు వర్సటైల్ హీరోగా పేరు సంపాదించుకున్న శ్రీ విష్ణు. ఇటీవల స్వాగ్ అనే సినిమాతో నట విశ్వరూపం చూపించిన శ్రీ విష్ణు.. ఈ మూవీలో ట్రాన్స్ జెండర్ పాత్రలో కూడా నటించాడు. మహారాజు, పోలీస్ ఆఫీసర్, యువకుడిగా, డాన్సర్ గా, ట్రాన్స్ జెండర్ గా, ముసలివాడిగా ఇలా అనేక గెటప్పుల్లో నటించి మెప్పించాడు. ఇక ఈ సినిమా మొత్తం లో ట్రాన్స్ జెండర్ విభూతి పాత్రలో శ్రీ విష్ణు ఆడియన్స్ ని తన నటనతో మెస్మరైజ్ చేసేసాడు. దీంతో అతను ఇలాంటి పాత్రలో నటించడానికి చేసిన సాహసం గురించి తెలిసి అందరూ ఫిదా అయిపోతున్నారు. ఈ మూవీ థియేటర్లలో నెగిటివ్ టాక్ తెచ్చుకున్నప్పటికీ ఓటిటిలో మాత్రం అదరగొడుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి