ప్రస్తుతం మారుతి దర్శకత్వంలో రాజాసాబ్‌ సినిమా చేస్తున్నారు. ఈ సినిమా తర్వాత సందీప్ రెడ్డి వంగా దర్శకత్వంలో స్పిరిట్ సినిమా ఉంటుంది. ఎలా లేదన్నా ఆ సినిమా షూటింగ్ ఏడాది పాటు నడుస్తుంది. ఆ తర్వాత సలార్ 2 - కల్కి 2 సినిమాలు ఉంటాయి. ఇవి కూడా కనీసం మూడు సంవత్సరాలు పాటు షూటింగ్ జరుపుకుంటాయి అన‌టంలో ఎలాంటి సందేహం లేదు. ఇక్కడకే నాలుగు సంవత్సరాలు పడుతుంది. ఆ తర్వాత హను రాఘవపూడి దర్శకత్వంలో ఫాజీ సినిమా ఉంది. ఈ సినిమాకి ఏడాది పడుతోంది.
ఇక ఆ వెంటనే లోకేష్ కనకరాజ్ - ప్రశాంత్ వర్మ ఇద్దరు ప్రభాస్ తో సినిమాలు చేసేందుకు ప్రయత్నాలు మొదలు పెట్టినట్టు తెలుస్తోంది. ఈ రెండు సినిమాలకు ఏడాది చొప్పున వేసుకున్నా మొత్తం ప్రభాస్ లైనప్‌ వచ్చే ఏడు సంవత్సరాలు పాటు అస్సలు ఏమాత్రం ఖాళీ లేకుండా కనిపిస్తోంది. ఇక ప్రభాస్తో ఎవరైనా సినిమాలు చేయాలి అనుకుంటే ఏడు సంవత్సరాల తర్వాత ఆలోచన చేయాల్సి ఉంటుంది. ఉదాహరణకు కొరటాల శివ - త్రివిక్రమ్ లాంటి డైరెక్టర్లు ప్రభాస్ తో సినిమాలు చేయాలి అనుకుంటే ఇప్పటిలో సాధ్యమయ్యే పరిస్థితి కనిపించడం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి