సాధారణంగా తెలుగు చిత్ర పరిశ్రమలో ఎంతో మంది హీరోయిన్లు వస్తూ ఉంటారు పోతూ ఉంటారు. కొంతమంది హీరోయిన్లు నక్కతోక తొక్కి వచ్చి వరుస విజయాలు సాధించి ఇండస్ట్రీలో పాతుకు పోతూ ఉంటారు. ఇంకొంత మంది మాత్రం కేవలం ఒకటి రెండు సినిమాలకు మాత్రమే పరిమితమై కనుమరుగవుతూ ఉంటారు. అయితే ఇంకొంతమంది మాత్రం ఎందుకురా బాబు ఈ హీరోయిన్ సినిమాలో పెట్టుకున్నారు అని ప్రేక్షకులకు చిరాకు తెప్పిస్తుంటారు. అయితే ఇప్పటివరకు చాలామంది హీరోయిన్లు ఇలాంటి చెడ్డ పేరు తెచ్చుకున్నారు  ఇలాంటి వారిలో మహేష్ బాబు హీరోయిన్ కూడా ఒకరు ఉన్నారు.


 ఆమె ఎవరో కాదు అమృత రావు. మహేష్ బాబు హీరోగా నటించిన అతిధి సినిమా  అనేది అభిమానులు అందరికీ కూడా ఒక చేదు అనుభవం లాంటి మూవీ. ఎన్నో అంచనాల మధ్య వచ్చిన ఈ సినిమా ఫ్లాప్ గా మిగిలిపోయింది అన్న విషయం తెలిసిందే. అయితే ఈ సినిమాలో మహేష్ బాబు సరికొత్త లుక్ ట్రై చేశాడు. కానీ ఈ సినిమాకు మైనస్ గా మారింది ఎవరు అంటే హీరోయిన్ అని చెప్పాలి. ఈ సినిమా ద్వారా వెండితెరకు హీరోయిన్గా పరిచయమైంది అమృత రావు. ఈ సినిమాలో కూడా ఈ హీరోయిన్ పేరు అమృత. అయితే ఈ పాత్ర ఎన్నో ఎమోషన్స్ పలికించాల్సి ఉంటుంది. కానీ అమృతకు మొదటి సినిమా కావడం.. ఆమె ఇక ఈ పాత్రకు న్యాయం చేయకపోవడంతో ఒక రకంగా అతిథి పాత్రకు ఆమె మైనస్ గా మారింది.


 దీంతో మహేష్ బాబు లాంటి హీరో పక్కన ఇలాంటి హీరోయిన్ తీసుకున్నారు ఏంటి అనే అభిమానులు కూడా కాస్త నిరాశకు గురయ్యారు. అయితే అమృత రావుని కాకుండా మరొకరిని తీసుకొని ఉంటే కనీసం సినిమాపై కాస్తయినా పాజిటివ్ టాక్ వచ్చే అవకాశం ఉండేదని.. ఎందుకంటే ఇక సినిమా మొత్తానికి అమృత పాత్ర కీలకంగా ఉంటుందని.  ఆ పాత్ర చుట్టే స్టోరీ తిరుగుతుంది. కాబట్టి ఆ పాత్రలో నటించే హీరోయిన్ సరైన హావభావాలు పలికించి మంచి యాక్టింగ్ చేసి ఉంటే.. సినిమా ప్రేక్షకులకు ఎక్కువగా కనెక్ట్ అయ్యే అవకాశాలు ఉండేవని అభిమానులు అభిప్రాయం వ్యక్తం చేశారు. కథ స్టోరీ విషయం పక్కన పెడితే అతిధి సినిమాకు అమృత రావే ఒక పెద్ద మైనస్ అంటూ అప్పట్లో విమర్శలు కూడా వచ్చాయి. ఈ సినిమా తర్వాత మళ్లీ తెలుగులో చాన్సులు దక్కించుకోలేకపోయింది అమృత రావ్.  అటు బాలీవుడ్ లో మాత్రం కొన్ని సినిమాల్లో నటించింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

మహేష్

praveen

03/11/2024 11:23 AM