ఈ యంగ్ హీరో వరస ఫ్లాప్ లతో సత్యమతమైపోతున్న పరిస్థితులలో ‘క’ దీపావళి రేసులోకి ఎంటర్ కావడం సాహసం అని అంతా భావించారు. అయితే అందరి ఊహాలను తలక్రిందులు చేస్తూ ‘క’ మూవీకి చెప్పుకోతగ్గ స్థాయిలో విమర్శకుల నుండి అద్భుతమైన రేటింగ్స్ రాకపోయినప్పటికీ ఈ మూవీకి భారీ స్థాయిలో తెలుగు రాష్ట్రాలలో కలక్షన్స్ వస్తున్నట్లు వార్తలు వస్తున్నాయి.
ఈ మూవీలో పేరుగాంచిన నటీనటులు ఒక్కరూ కూడ లేకపోయినా ఆవిషయాలను పక్కకు పెట్టి ఈమూవీ క్లైమాక్స్ కు సగటు ప్రేక్షకుడు విపరీతంగా కనెక్ట్ అవ్వడంతో ఈమూవీ ఊహించని సూపర్ హిట్ టాక్ ను తెచ్చుకుంది. ఈ దీపావళికి భారీ అంచనాలతో విడుదలైన ‘లక్కీ భాస్కర్’ మూవీకి చాలమంచి రేటింగ్స్ వచ్చినప్పటికీ కలక్షన్స్ విషయంలో ‘క’ ముందు ఈమూవీ కలక్షన్స్ సంతృప్తికరంగా లేవు అన్న కామెంట్స్ వినిపిస్తున్నాయి.
ఇక ఈ రెండు సినిమాలతో పోటీగా విడుదలైన ‘అమరన్’ మూవీకి మొదటిరోజు టాక్ అంతంతమాత్రంగానే వచ్చినప్పటికీ దీపావళి మరుసటిరోజు నుండి ఈ మూవీ కలక్షన్స్ ఊహించిన స్థాయికి మించి ఉండటం చాలామందికి షాక్ ఇస్తోంది. ఈ మూవీలో నటించిన సాయి పల్లవి నటన గురించి ఈ మూవీ చూసి తిరిగి వచ్చిన ప్రేక్షకులు తమకు తెలిసిన వారితో షేర్ చేస్తున్నారు అంటే సాయి పల్లవి క్రేజ్ ఈమూవీని ఏ రేంజ్ కి తీసుకువెళ్లిందో అర్థం అవుతుంది..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి