గత ఏడాది సంక్రాంతికి పెద్ద హీరోల సినిమాలు విడుదలయ్యాయి.అలా మహేష్ బాబు,నాగార్జున,వెంకటేష్ వంటి హీరోలను తట్టుకొని చిన్న హీరో అయినా తేజ సజ్జా నిలబడ్డారు.. హనుమాన్ మూవీతో సంక్రాంతికి ఇండస్ట్రీ హిట్ కొట్టిన తేజ సజ్జా మూవీకి సంబంధించి సీక్వెల్ కూడా ఉంటుంది అని జై హనుమాన్ పేరుతో సీక్వెల్ రాబోతుందని అప్పుడే డైరెక్టర్ హింట్ ఇచ్చారు.అయితే జై హనుమాన్ మూవీ పై ఇప్పటికే అంచనాలు పెరిగిపోయాయి.ఈ సినిమా చివర్లో ఆంజనేయుడిగా ఓ హీరో కళ్ళు చూపిస్తారు. ఇక ఆ హీరో ఎవరు.. ఆంజనేయుడు పాత్రలో నటించేది ఎవరు అనేది ప్రేక్షకుల్లో ఒక ఆసక్తి అయితే నెలకొంది. అయితే జై హనుమాన్ సినిమాలో మెయిన్ హీరో పూర్తిగా హనుమాన్ పాత్రలో నటించే హీరోదేనని,తేజ సజ్జా కేవలం హనుమంతుడిని కొలిచే భక్తుడి రూపంలోనే కనిపిస్తాడని ప్రశాంత్ వర్మ చెప్పారు.

 అయితే ఎంతోమంది హీరోలు హనుమాన్ పాత్రలో నటిస్తారని తెర మీద పేర్లు వినిపించాయి. అలా రానా,చిరంజీవి వంటి హీరోల పేర్లు కూడా వచ్చాయి. కానీ వీరెవరు కాకుండా చివరికి రిషబ్ శెట్టితో జై హనుమాన్ సినిమాలో హనుమాన్ పాత్రకి తీసుకున్నారు. ఇక ఈ సినిమాకి సంబంధించి హనుమాన్ పాత్రలో ఉన్న రిషబ్ శెట్టి లుక్ ని కూడా చిత్ర యూనిట్ విడుదల చేశారు. దీంతో సినిమాపై మరిన్ని అంచనాలు పెరిగిపోయాయి. అయితే ఈ సినిమాలో హనుమాన్ పాత్రకి ముందుగా ఓ బాలీవుడ్ నటుడిని తీసుకోవాలి అని ప్రశాంత్ వర్మ అనుకున్నారట. కానీ ఆ హీరో రిజెక్ట్ చేయడం వల్లే ఇది రిషబ్ శెట్టి చేతిలోకి వచ్చినట్లు తెలుస్తోంది.


 ఇక బాలీవుడ్లో జై హనుమాన్ సినిమా రిజెక్ట్ చేసిన ఆ హీరో ఎవరో కాదు సన్నీ డియోల్.. అయితే ఈ సినిమా రిజెక్ట్ చేయడానికి ఓ కారణం ఉందట. సన్నీ డియోల్  నితేష్ తివారి దర్శకత్వంలో వస్తున్న రామాయణ్ మూవీలో హనుమాన్ పాత్రలో నటిస్తున్నారట. ఇక ఈ సినిమాలో నటించి ఆ సినిమాలో కూడా హనుమాన్ పాత్రలో నటిస్తే తన పాత్ర పై అందరికీ ఆసక్తి తగ్గిపోతుంది అనే ఉద్దేశంతోనే జై హనుమాన్ సినిమాలో హనుమాన్ పాత్రలో నటించడానికి ఒప్పుకోలేదట. అలా ఆయన రిజెక్ట్ చేయడంతో రిషబ్ శెట్టి కి ఈ పాత్రలో చేసే అవకాశం వచ్చింది
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

JAI HANUMAN MOVIE RISHAB SHETTY SUNNY DEOL PRASHANTH VARMA TEJA SAJJA

Pandrala Sravanthi

04/11/2024 10:27 AM