ఇక ప్రభాస్‌కు ఇప్పుడు పాన్ ఇండియా లెవెల్ లో తిరుగులేదు. అలాంటి హీరో నెగిటివ్ రోల్ లో నటిస్తే? చూడడానికి చాలా కష్టంగా ఉంటుంది. హీరోగా భారతీయ సినిమాలో కింగ్ మేకర్ గా వెళుగుతున్న ప్రభాస్ ఇప్పుడు రాక్షస అవతారం ఎత్తితే చూడటం ఎంతో కష్టంగా ఉంటుంది.. కానీ ప్రభాస్ అలాంటి రిస్క్ చేయడానికి ఇప్పుడు రెడీ అవుతున్నాడు. రాజ సాబ్, స్పిరిట్, హను రాఘవపూడి మూవీ, సలార్2, కల్కి2 ఇలా వరుస క్రేజీ సినిమాలతో ప్రేక్షకుల ముందుకు రావడానికి రెడీగా ఉన్నాడు. ఇలా 2026 చివరి వరకు ఈ పాన్ ఇండియా హీరోకు అసలు ఖాళీ లేదు. అయినా సరే ఈ గ్యాప్ లో ప్రభాస్ మరో కొత్త ప్రాజెక్టును వినేశాడు. చిన్న సినిమాతో పాన్ ఇండియాను షేక్ చేసిన యంగ్ డైరెక్టర్ తో సినిమా చేయడానికి రెడీ అవుతున్నాడు.
హనుమాన్ మూవీతో తానేంటో ఇండియన్ సినిమాకు చూపించిన స్టార్ డైరెక్టర్లో ఒక్కరిగా పేరు తెచ్చుకున్న ప్రశాంత్ వర్మ ప్రస్తుతం జై హనుమాన్, మోక్షజ్ఞ సినిమాలతో బిజీగా ఉన్నాడు. ప్రశాంత్ వర్మ సినిమాటిక్ యూనివర్స్’లో పలు సినిమాలు లైన్ చేసాడు. కాని గతంలో తాను రాసుకున్న కథ మాత్రం వదిలిపెట్టలేదు. గతంలో ప్రశాంత్ వర్మ ‘బ్రహ్మ రాక్షస’ పేరుతో ఒక స్క్రిప్ట్ రాసుకొని ఒక బాలీవుడ్ హీరోకి నేరేట్ చేయగా… ఆ సినిమా ముందుకు వెళ్ళలేదు. కాని అదే స్క్రిప్ట్ ప్రభాస్ కు వినిపించాడు. ఆ స్క్రిప్ట్ ప్రభాస్ కు పిచ్చ పిచ్చగా నచ్చేసింది. అన్నీ అనుకున్నట్టు జరిగితే ఈ ప్రాజెక్ట్ 2027 లో మొద‌లైయే ఛాన్స్ ఉంది. ఇందులో ప్రభాస్… రాక్షసుడిగా నటిస్తున్నాడు. ఈ టైం లో నెగటివ్ రోల్ రిస్క్ అవసరమా అని ఫ్యాన్స్ భయపడిపోతున్నారు . ఇక ఇప్పటికే ఎన్టీఆర్ జై లవకుశ సినిమాలో నెగటివ్ పాత్రలో నటించి మెప్పించాడు.. హీరోగా కన్నా విలన్ పాత్రలోనే ఎక్కువ స్కోప్ ఉంటుంది.. ఇప్పుడు ప్రభాస్ కూడా ఎన్టీఆర్ ని ఫాలో అవుతూ ప్రశాంత్ వర్మ సినిమాలో నెగటివ్ పాత్రలో నటించడానికి రెడీ అవుతున్నాడు. ఇక మరి ఈ సినిమాపై త్వరలోనే అధికార ప్రకటన వస్తుందో లేదో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి