పవర్ స్టార్ పవన్ కళ్యాణ్ తన కెరీర్లో ఎన్నో బ్లాక్బస్టర్ సినిమాలలో హీరోగా నటించి అద్భుతమైన స్థాయికి చేరుకున్న విషయం మన అందరికీ తెలిసిందే. ఇకపోతే పవన్ కళ్యాణ్ కెరియర్ లో కొన్ని బాక్స్ ఆఫీస్ దగ్గర అపజయాలను అందుకున్న సినిమాలు కూడా ఉన్నాయి. ఇలా పవన్ కళ్యాణ్ లో బాక్స్ ఆఫీస్ దగ్గర అపజయం అందుకున్న సినిమాలలో గుడుంబా శంకర్ మూవీ ఒకటి. ఈ మూవీ లో మీరా జాస్మిన్ హీరోయిన్గా నటించగా ... వీర శంకర్ ఈ మూవీ కి దర్శకత్వం వహించాడు. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ బాక్స్ ఆఫీస్ దగ్గర మంచి విజయం సాధించాల్సింది కానీ కొన్ని కారణాల వల్ల అపజయం అందుకుంది అని పవన్ అభిమానులు భావిస్తూ ఉంటారు.

 గుడుంబా శంకర్ మూవీ విడుదలకు ముందు ఈ సినిమా నుండి మేకర్స్ విడుదల చేసిన ప్రచార చిత్రాలు , పాటలు అన్నీ ప్రేక్షకులను బాగా ఆకట్టుకున్నాయి. దానితో పవన్ కళ్యాణ్ ఈ మూవీ తో బ్లాక్ బస్టర్ విజయాన్ని అందుకుంటాడు అని పవన్ అభిమానులు భావించారు. అలాగే ఈ సినిమా నుండి మూవీ బృందం విడుదల చేసిన ప్రచార చిత్రాలలో పవన్ పోలీస్ గెటప్ లో ఉండడం వల్ల పవన్ కళ్యాణ్ ఈ సినిమాలో పవర్ఫుల్ పోలీస్ ఆఫీసర్ పాత్రలో కనిపిస్తాడు. విలన్ లను  చీల్చి చెండాడుతాడు , భారీ యాక్షన్ ఎపిసోడ్స్ ఈ మూవీ లో ఉంటాయి అని జనాలు భావించారు. అలాంటి ఉద్దేశంతో థియేటర్ కి వెళ్లిన జనాలకు పవన్ ఈ సినిమాలో పోలీస్ ఆఫీసర్ పాత్రలో కనిపించలేదు. కేవలం ఒక సన్నివేశంలో మాత్రమే పోలీస్ పాత్రలో కనిపించాడు.

అలాగే ఈ సినిమా పవర్ఫుల్ యాక్షన్ ఎంటర్టైనర్ మూవీ గా కాకుండా కామెడీ సినిమాగా ఉండడంతో ప్రేక్షకులు ఈ మూవీ తో డిస్కనెక్ట్ అయ్యారు. దానితో ఈ మూవీ కి నెగిటివ్ టాక్ వచ్చింది. అలా ఈ మూవీ బాక్స్ ఆఫీస్ దగ్గర ఫెయిల్ అయింది అని , ఈ మూవీ ప్రచార చిత్రాలు కనుక అంతగా ప్రేక్షకులను ఆకట్టుకోకపోయి ఉండి ఉంటే ఈ మూవీ బాక్స్ ఆఫీస్ దగ్గర మంచి విజయం సాధించేది అని పవన్ అభిమానులు ఇప్పటికీ కూడా భావిస్తూ ఉంటారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pawan

MADDIBOINA AJAY KUMAR

05/11/2024 06:40 PM