లేటెస్ట్ గా విడుదలైన కిరణ్ అబ్బవరం ‘క’ మూవీలో హీరోయిన్ గా నటించిన నయన్ సారిక గురించి ఇప్పుడు ఎక్కువగా ఇండస్ట్రీ వర్గాలు ఆలోచిస్తున్నాయి. ఈసినిమాలో నటించిన ఆమెకు మంచి ప్రశంసలు కూడ వస్తున్నాయి. ఆమధ్య జూనియర్ ఎన్టీఆర్ బావమరిది నితిన్ నార్నె నటించిన ‘ఆయ్’ మూవీలో ఈమె హీరోయిన్ గా నటించింది. ఆసినిమా విడుదలైన కొన్ని నెలలకే మళ్ళీ ఆమె నటించిన ‘క’ మూవీకి సూపర్ హిట్ టాక్ రావడంతో ఇప్పుడు ఇండస్ట్రీ వర్గాల దృష్టి అంతా ఆమె పై పడింది.
గతంలో ఆమె ఆనంద్ దేవరకొండ తో కలిసి ‘‘గంగం గణేశా’ లో నటించింది. అయితే ఆమూవీ సూపర్ ఫ్లాప్ కావడంతో ఆమె గురించి ఇండస్ట్రీ వరగ్గాలు పెద్దగా పట్టించుకోలేదు. ‘ఆయ్’ ‘క’ అంటూ చిన్న అక్షరాల టైటిల్స్ ఈమెకు బాగా కలిసి వచ్చినట్లు కనిపిస్తోంది. హైదరాబాద్ కు చెందిన ఈ తెలుగు అమ్మాయికి ఇన్స్ టా గ్రామ్ లో మూడు లక్షలకు పైగా ఫాలోయర్లు ఉన్నారు.
ఇప్పుడు వచ్చిన ఫేమ్ తో ఆమె ఫాలోయర్స్ సంఖ్య బాగా పెరిగే ఆస్కారం కనిపిస్తోంది. గతంలో ‘బెంచ్ లైఫ్’ అనే వెబ్ సిరీస్ లో ఈమె నటించింది. ఇక రానున్న రోజులలో ఈమె సినిమాలకు ఎక్కువ ప్రాధాన్యత ఇంస్తుందని టాక్. తెలుగు అమ్మాయిలు హీరోయిన్స్ గా ముందుకురారు అన్న సెంటిమెంట్ నయన్ కు వర్తించదు అనుకోవాలి..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి