తెలుగు సినీ పరిశ్రమలో మంచి గుర్తింపు కలిగిన యువ నటులలో నాగ చైతన్య ఒకరు. ఈయన జోష్ అనే సినిమాతో సినీ కెరియర్ను మొదలు పెట్టి ఇప్పటివరకు ఎన్నో విజయవంతమైన సినిమాలలో హీరో గా నటించాడు. కేవలం సినిమాల్లో మాత్రమే కాకుండా నాగ చైతన్య ఇప్పటికే దూత అనే ఒక వెబ్ సిరీస్ లో కూడా నటించాడు. కొంత కాలం క్రితం అమెజాన్ ప్రైమ్ వీడియో ఓ టి టి ప్లాట్ ఫామ్ లో స్ట్రీమింగ్ లోకి వచ్చిన దూత వెబ్ సిరీస్ కు ప్రేక్షకుల నుండి మంచి రెస్పాన్స్ లభించింది. ప్రస్తుతం నాగ చైతన్య , చందు మండేటి దర్శకత్వంలో రూపొందుతున్న తండెల్ అనే సినిమాలో హీరోగా నటిస్తున్నాడు.

సాయి పల్లవి ఈ సినిమాలో హీరోయిన్గా నటిస్తూ ఉండగా ... అల్లు అరవింద్ , బన్నీ వాసు ఈ మూవీ ని భారీ బడ్జెట్ తో నిర్మిస్తున్నారు. దేవి శ్రీ ప్రసాద్ ఈ మూవీ కి సంగీతం అందించాడు. నిన్న ఈ మూవీ బృందం ఓ భారీ ఈవెంట్ను నిర్వహించి ఈ సినిమాను ఫిబ్రవరి 7 వ తేదీన విడుదల చేయనున్నట్లు అధికారికంగా ప్రకటించారు. ఇది ఇలా ఉంటే నాగ చైతన్య ఒక్కో మూవీ కి చాలా పెద్ద మొత్తంలోనే పారితోషకం తీసుకుంటున్నట్లు తెలుస్తోంది. నాగ చైతన్య ప్రస్తుతం దాదాపు ఒకో సినిమాకు ఐదు కోట్ల మేర పారితోషకం తీసుకుంటున్నట్లు తెలుస్తోంది.

ఒక వేళ సినిమా కథ అద్భుతంగా నచ్చిన పరిస్థితుల్లో లేక దర్శకుడు , నిర్మాతను బట్టి పారితోషకం కాస్త తక్కువ అయినా పర్లేదు అనే ఉద్దేశంతో నాగ చైతన్య సినిమాలను చేస్తున్నట్లు తెలుస్తోంది. ఇది ఇలా ఉంటే నాగ చైతన్య , సాయి పల్లవి కాంబోలో ఇది వరకు లవ్ స్టోరీ అనే మూవీ వచ్చింది. ఈ సినిమాలో వీరి జంటకు మంచి గుర్తింపు లభించింది. మరి తండెల్ మూవీ లో వీరు తమ నటనతో ప్రేక్షకులను ఏ స్థాయిలో ఆకట్టుకుంటారు చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chaithu

MADDIBOINA AJAY KUMAR

06/11/2024 05:10 PM